بۆ گێڕانا چه‌ند كۆنسێرتان دێ هێنه كوردستانێ
دهۆك، كاوین جیهاد ته‌حلاڤی:
كۆما لاڤژه یا هونه‌ری، كو ژ باكۆرێ كوردستانێ یه، بۆ ده‌مێ چه‌ند رۆژانه ده‌ست ب گێڕانا چه‌ند كونسێرتێن هونه‌ری كری و د كونسێریێن خوه دا سترانێن وان هونه‌رمه‌ندان دبێژن ئه‌وێن خه‌لك حه‌ز ژ ده‌نگێ وان دكه‌ن و د به‌رنامێ وێ كۆمێ دا یه چه‌ند كونسێرتان ل هه‌رێما كوردستانێ ژی بگێڕن و ناڤێ كونسێرتێن خوه كریه لاڤژێن ئه‌ڤینیێ.
عه‌لی ته‌كباش ژ وێ كۆمێ دبێژیت: هه‌تا نوكه ل باكۆرێ كوردستانێ مه چه‌ندین كۆنسێرت ل ئامه‌دێ و باتمانێ و هنده‌ك باژێرێن دی كرینه و دبه‌رنامێ مه‌دایه بهێینه هه‌رێما كوردستانێ ژی چه‌ند كۆنسێرتان بگێڕین و سترانێن دهێنه گۆتن یێن هونه‌رمه‌ندان ئارام تیگران، ته‌حسین تاها، محه‌مه‌د شێخۆ، جوان حاجۆ، حه‌سه‌ن شه‌ریف، عه‌بدولواحد زاخۆیی، و چه‌ندین هونه‌رمه‌ندێن دی نه، چنكو ئه‌م دزانین ڤان هونه‌رمه‌ندان گه‌له‌ك گوهدارێن خوه خوه هه‌نه.
