به‌ری سترانان بۆ پاره‌ی ببێژم بۆ حه‌زا خوه دبێژم
ئاكرێ، ره‌مه‌زان زه‌كه‌ریا:
سترانبێژ ئاران ره‌زا، د دیداره‌كێ دا بۆ رۆژناما ئه‌ڤرۆ گۆت: ده‌مه‌كێ درێژبوو من حه‌ز ل سه‌ر سترانگوتنێ هه‌بوو، به‌لێ به‌ری دو سالان ده‌لیڤه هات و من ده‌ست پێكر و هه‌تا نوكه من پێنج ستران به‌لاڤ كرینه و پرانیا سترانێن من به‌لاڤكرین ئه‌ڤینی نه، سترانه‌ك ل سه‌ر رۆژا هه‌ڤژینیێ یه، ب ناڤێ سه‌ما.
ئارانی گۆت: نوكه ل كوردستانێ ستودیۆیێن باش هه‌نه كو سترانان لێ تۆمار بكه‌ت و بۆ به‌رهه‌مه‌كی سه‌ره‌دانا ده‌رڤه‌ی كوردستانێ نه‌كه‌ت، گرنگه فۆلكۆر بهێته پاراستن و ده‌مه‌ك دێ هێت ئه‌ڤ سترانێن ئه‌م دبێژین دێ بنه ره‌سه‌ن، ئه‌و هونه‌رمه‌ندێن به‌ری بیست سالان ستران گۆتین نوكه سترانێن وان بووینه ره‌سه‌ن، به‌لێ ژبه‌ر پێشكه‌فتنا ته‌كنه‌لۆژیایێ هونه‌ر تێكه‌ل بوویه و مه مفا ژ هونه‌ری بیانی دیتیه به‌لێ مه روحیه‌تا هونه‌ری كوردی ژرده‌ست نه دایه, به‌ری سترانان بۆ پاره‌ی ببێژم بۆ حه‌زا خوه دبێژم ب تنێ ئه‌و هونه‌رمه‌ندێن دچنه شه‌هیان و موزیك لایڤا ب داهاتێ هونه‌ری دژین من هونه‌ر هه‌لبژارتیه هه‌كه داهات ژی نه‌بیت گازندان ناكه‌م چنكو هونه‌ری گه‌له‌ك تشت د ژیانامندا زێده كرینه و ئارامیه‌كا زۆر دایه من و نوكه سیدیه‌ك ل به‌ر ده‌ستێ منه كۆ ژ ده‌ه تراكان پێك دهێت، ژ به‌رهه‌مێن فۆلكۆری ب زارێ كرمانجی و سۆرانی دروست دكه‌م ب دو قولی ل گه‌ل هونه‌رمه‌نده‌كێ ده‌ڤه‌را به‌هدینان بیًژم.
