د رۆلێن كۆمێدی دا نه هندێ شاره‌زامه
دهۆك، هه‌رهین محه‌مه‌د:
ئه‌كته‌رێ گه‌نج كیڤی سالح، دیداره‌كێ دا بۆ رۆژناما ئه‌ڤرۆ گۆت: گه‌له‌ك سیناریۆ هاتینه به‌رده‌ستێ مه و مه گه‌له‌ك ده‌رگه‌هێن ته‌له‌ڤزیۆنان قوتان و ئه‌و ته‌له‌ڤزیۆنێن مه ده‌رگه‌هێن وان قوتاین دیاره چو شیانێن جێبه‌جێكرنا وان درامایان نه‌بوون و ئه‌م ل گه‌ل گه‌له‌ك كه‌نالان پێك نه هاتین ژبه‌ر گه‌له‌ك ئه‌گه‌ران ل ڤێ دووماهیێ دو دراما هاتنه پێشكێشكرن یێن خه‌لۆ و جه‌لۆی ئه‌ز رێڤه‌به‌رێ به‌رهه‌می بووم و دراما ئه‌ڤ ساله‌دا من ئه‌كته‌ری ژی كریه و هه‌كه درامایان دا رۆلێن له‌شكه‌ری ده‌رهێنه‌ر بده‌نه من ئه‌ز گه‌له‌ك حه‌زدكه‌م و د كۆ مێدیایێ دا نه هندێ شاره‌زامه.
ناڤهاتی گۆت: نه‌شێم حوكمی ل سه‌ر درامایێن كه‌سێ بده‌م ده‌رباره‌ی دیكۆری، به‌لێ سه‌د ژ سه‌دێ دیكورێ درامایێن مه دیكوره‌كێ كوردی بوویه، چونكۆ دیزاین مه بده‌ستێن خوه چێكربوو، مه بۆ خوه پێشه‌سازیه‌ك چێكریه و ل هه‌موو جهان ژی وه‌كو ئێك بوو، دراما ل سالا بۆری ژی ل گونده‌كی هاتبوو چێكرن و ئه‌ز دبینم ل ڤێ دووماهیێ دراما خۆمالی بینه‌رێ خوه زڤراندیه، چونكۆ ئه‌م ژ وان په‌یوه‌ندیان دزانین یێن بۆ مه دهێن دبێژنه مه هوون مژوولی چنه و ئه‌م چاڤه‌رێ كارێ هه‌وه‌ینه و هیڤیا من ئه‌وه كه‌نالێن مه یێن كوردی به‌رده‌وام بن ل گه‌ل ڤی كاری و هه‌كه كه‌نالێن مه دبه‌رده‌وام بوون ل گه‌ل مه دبیت هه‌ڤڕكیا وه‌لاتێن ده‌وروبه‌ربكه‌ین.
