بێوار عه‌گید: كچا من حه‌زدكه‌ت جهێ من بگریت
دهۆك، شاكر ئه‌تروشی:
بێوار عه‌گید، بێژه‌ر و پێشكێشكار ل رادیۆیا دهۆك ترافیك، د دیداره‌كێ دا بۆ رۆژناما ئه‌ڤرۆ دیاركر كو ئه‌و ژ دایكبوویێ سالا 1986 یه و دژیه‌كێ بچووك دا حه‌زا راگه‌هاندنێ ل ده‌ف په‌یدا بوویه و د وێستگه‌ها ئێكێ دا بزاڤ چالاكیێن خوه وه‌ك به‌رپرسێ لژنا قوتابیان ل ناڤنجیا چرا بۆ راگه‌هاندنا ئێكه‌تیا قوتابیێن كوردستانێ/لقێ دهۆك د هنارتن كو ل سالا 2000 هه‌تا 2003 بوو، نوكه ژبلی كارێ بێژه‌ری و پێشكێشكاریێ هنده‌ك جاران ب كارێ په‌یامنێری و ده‌رهێنانێ ژی ل رادیۆیا ناڤبری رادبیت.
بێوار كو نوكه فه‌رمانبه‌ره ل رێڤه‌ریا هاتن و چوونێ ل دهۆكێ، هێشتا گۆت: پشتی رادیۆیا ترافیك ل 2013 هاتیه ڤه‌كرن، ل 2014 ئه‌ز هاتمه رادیۆیێ و من ده‌ست ب به‌رنامێ (په‌روه‌ردا میكانیكی) كر هه‌تا نوكه یێ به‌رده‌وامه و (173) خه‌له‌كه ژێ هاتینه پێشكێشكرن و ئه‌ز ب باوه‌رم ل هه‌موو رادیۆیێن دهۆكێ ئه‌ڤه به‌رنامه‌كێ ئێكانه‌یه ڤی شێوازی دهێته پێشكێشكرن، ئانكو گرنگیێ ب میكانیكا ترۆمبێلان دده‌ت و ل رادیۆیا ئه‌ز لێ كاردكه‌م داخباری كارێ هه‌ڤپیشه‌یا خوه (ئاواز مه‌سعود) م و ل رادیۆیا دهۆك ژی داخباری كارێ میدیاكار(خه‌لیل كه‌مال) م.
ل دووماهیێ گۆت: د هه‌یڤا ره‌مه‌زانا پیرۆز دا من به‌رنامه‌كێ هه‌مه‌ره‌نگ ب ناڤێ مێرگا ترافیكێ هه‌بوو، ب شه‌ڤ دهاته پێشكێشكرن و دو هه‌یڤان پشتی ره‌مه‌زانێ ژی یێ به‌رده‌وام بوو، بۆ سالا بهێت ژی مه هزرا به‌رنامێن نوو هه‌یه و كچا من (مینا) ژی حه‌زدكه‌ت ده‌مێ مه‌زن دبیت ببیته میدكار و جهێ من بگریت.
