گرنگه‌ گوهێ‌ مۆزیكژه‌نی یێ‌ ب هێز بیت

دهۆك، هه‌رهین محه‌مه‌د:

لێده‌رێ‌ پیانۆیێ‌ (كوڤان سلێمان عه‌لی) د دیداره‌كێ‌ دا بۆ  رۆژناما ئه‌ڤرۆ گۆت: جیهانا مۆزیكێ‌ هه‌موو یا خۆشه‌ و هه‌ر ئێكی ستایل و ئامیرێ‌ مۆزیكێ‌ تایبه‌ت یێ‌ خوه‌ هه‌یه‌ و پتریا جاران ده‌مێ‌ ب شه‌ڤێ‌ دمینمه‌ بتنێ‌ پیانۆیێ‌ دژه‌نم، هه‌روه‌سا ئۆرگێ‌ و سازێ‌ و رتمێ‌ ژی دژه‌نم و ب دیتنا من نه‌ مه‌رجه‌ مۆزیكژن یێ‌ ئه‌كادیمی بیت، چونكو مه‌ گه‌له‌ك مۆزیكژه‌ن و سترانبێژ هه‌نه‌ نه‌ ئه‌كادیمی نه‌ و مۆزیكێ‌ ب باشی دژه‌نن، به‌لێ‌ مۆزیكژه‌نێ‌ ب دروستی دڤێت یێ‌ ئه‌كادیمی بیت و ب رێبێن زانستی بژه‌نیت و داهێنانێ‌ د هونه‌رێ‌ خوه‌ دا بكه‌ت، به‌لێ‌ ئه‌ڤه‌ ژی نه‌ مه‌رجه‌ و یا مۆزیكێ‌ گرنگه‌ گوهێ‌ مۆزیكژه‌نی یێ‌ ب هێز بیت و حه‌ز هه‌بیت ل وی ده‌می دشێت داهێنانێ‌ د مۆزیكێ‌ دا بكه‌ت

هه‌روه‌سا گۆت: مۆزیكێن هه‌رچار پارچێن كوردستانێ‌ نه‌ وه‌كو ئێكن و هه‌ر ئێك تامه‌كه‌، به‌لێ‌ هه‌كه‌ مۆزیكژه‌نێن هه‌رچار پارچان پێكڤه‌ ب ژه‌نن دێ‌ ل گه‌ل ئێكك گونجن، ژبه‌ركو مۆزیك زمانه‌كێ‌ جیهانی یه‌ و هه‌موو كه‌س تێ دگه‌هن و هه‌كه‌ مۆزیكا هه‌رچار پارچا بهێته‌ تێكهه‌لكرن تشته‌كێ‌ گه‌له‌ك جوان دێ‌ ژێ‌ ده‌ردكه‌ڤیت.

کۆمێنتا تە