كورته فلمێ (the tree) گه‌هشته قوناغا به‌ری دووماهیێ
خانكێ، دلڤین ره‌شید:
گه‌نجه‌كێ خه‌لكێ شاریا، د دو سالێن بۆری دا بزاڤ دكرن پشكداریێ د پرۆژێ ره‌وانگه‌دا بكه‌ت، سالا ئێكێ ب هنارتنا چه‌ند قۆتۆیان و سالا دویێ ب هنارتنا كورته فلمه‌كی، لێ د هه‌ردو سالان دا ده‌لیڤا پشكداریێ پێ نه‌هاته دان، ئه‌و ژی ژ به‌ر هه‌بوونا هنده‌ك تێبینیان ل سه‌ر به‌رهه‌مێن وی، لێ وی گه‌نجی خوه بێ ئۆمێد نه‌كر و ئه‌ڤ ساله بۆ جارا سێیێ ب هنارتنا كورته فلمه‌كی ڤیا پشكداریێ بكه‌ت و د ئه‌نجامدا كورته فلمێ وی هاته وه‌رگرتن و گه‌هشته قوناغا به‌ریكانێ و ل دو رۆژێن بهێن دێ كورته فلمێ وی و چه‌ندین كورته فلمێن دی دێ ژلایێ لژنه‌كا تایبه‌ت ڤه هێنه سه‌نگاندن و سه‌ركه‌فتنیێن ئێكێ و دویێ و سێی دێ هێنه خه‌لاتكرن.
سه‌رهات نه‌ریمان خه‌مۆ، كو خه‌لكێ كومه‌لگه‌ها شاریا و قوتابیێ زانكۆیێ یه، د دیداره‌كێ دا بۆ رۆژناما ئه‌ڤرۆ گۆت: من گه‌له‌ك حه‌ز هه‌نه، ژوانا (ده‌رهێنه‌ری، نڤیسینا سیناریۆیان، وێنه‌كرنا كورته فلمان) و خۆشحالم ئه‌ڤ ساله ب كورته فلمه‌كی ب ناڤێ ( ) پشكداریێ د پرۆژێ ره‌وانگه‌دا بكه‌م و ناڤه‌رۆكا كورته فلمی به‌حسێ پاراستنا ژینگه‌هی و گرنگیا وێ بۆ مرۆڤی دكه‌ت، ئه‌ڤ چه‌نده من هه‌لبژارت، چنكو هه‌موو خه‌لكێ جهیانێ بڤی بابه‌تی ڤه یێ مژووله ب تایبه‌ت ژی بڕینا داران و به‌ری دو هه‌یڤان مه ب رێیا ئۆنلاین كورته فلمێ خوه بۆ هناترت و ل دووف پێزانیێن من نێزیكی 600 كورته فلمان ل سه‌رانسه‌ری عیراقێ گه‌هشتینه به‌ر ده‌ستێن وان و كورته فلمێ مه گه‌هشتیه پوناغا به‌ریكانێ و هیڤیا من ئه‌وه خه‌لاتی وه‌ربگرم و دخوازم دوارێ هونه‌ری دا زێده‌تر پشته‌ڤانیا گه‌نجان بهێته‌كرن، هه‌روه‌سا بۆ باشه‌رۆژی من چه‌ندین كورته فلمێن دی هه‌نه كاری ل سه‌ر دكه‌م و من ل به‌ره بۆ نه‌ورۆزێ كورته فلمه‌كێ دی به‌لاڤ بكه‌م.
