ل دهۆكێ وه‌كو پێدڤی گرنگی ب شانۆیێ ناهێته دان
دهۆك، زنار تۆڤی:
حه‌سه‌ن حسێن، كوڕێ ده‌رهێه‌رێ به‌رنیاس (حسێن حه‌سه‌ن) كو نوكه قۆتابیه ل قۆناغا سێیێ/ پشكا شانۆیێ ل په‌یمانگه‌ها هونه‌رێن جوان ل دهۆكێ، د دیداره‌كێ دا بۆ رۆژناما ئه‌ڤرۆ دیاركر كو ژ زارۆكاتییا خوه وی حه‌ز ل سه‌ر كارێ هونه‌ری هه‌بوو، ل گه‌ل یێ مه‌زن بوویی، دیسان بابێ وی ژی رۆل د هندێ دا هه‌بوو، كو ئه‌و ژی د وارێ هونه‌ری دا كار بكه‌ت.
ناڤهاتی گۆت: هه‌تا نوكه من پشكداری د شانۆگه‌ریا (بارانا ره‌نگان) دا كری یه، ژ ده‌رهێنانا مه‌سعود عارف و شانۆگه‌ریا (هه‌لاتنا هه‌یڤێ) ژ ده‌رهێنانا سۆلین حه‌سه‌ن، دیسان دراما ئێك ژ حه‌زا من یا (واقعی) بوویه، و ئه‌نجامدانا هه‌ر كاره‌كێ بۆ من وی د رۆژێ دا وه‌كو درامایه‌كێ، له‌وما من ڤیایه د درامایێ كار بكه‌م و پشكداری د دراما (خه‌م و خه‌م) و دراما ( دیلان) دا دا كری یه، كو هه‌ردو دراما ژ ده‌رهێنانا حسێن حه‌سه‌نن، ئه‌و دراما بۆ من بوونه پێنگاڤ كو ئه‌ز پتر بهێمه د ناڤ كارێن هونه‌ری دا
و من پشكداری د فلمه‌كێ سینه‌مایی ژی دا كری یه، كو نوكه كار ل سه‌ر دهێته‌كرن، هه‌ره‌سا من پشكداری د فلمێ (پروتۆكول ئۆف زه میلان) دا كری یه كو ژ ده‌رهێنانا ده‌رهێنه‌رێ ئه‌لمانی پیته‌ری یه، فلمێ سینه‌مایی (بیره‌وه‌ریێن سه‌ر به‌ری) كو ژ ده‌رهێنانا شه‌وكه‌ت ئه‌مین كوركی یه، دیسان من پشكداری د فلمێ (ره‌شه‌با) ژی دا كری یه، و ده‌مێ ئه‌ز كاره‌كێ شانۆیی دكه‌م، جۆداهیه‌كێ دبینم ژ درامایێ و سینه‌مایێ، هه‌روه‌سا ئه‌ز حه‌ز دكه‌م پتر گرنگی ب كارێن هونه‌ری بهێنه دان و دیسان گرنگی ب دراما خۆمالی بهێته دان و هاریكاریا ده‌رهێنه‌ران بهێته‌كرن، داكو بشێن گه‌له‌ك زنجیرێن درامایی دروست بكه‌ن، ل دهۆكێ وه‌كو پێدڤی گرنگی ب شانۆیێ ناهێته دان، دیسان ده‌مێ ئه‌م كار دكه‌ین، ئه‌م گرنگیێ ب لایه‌نێ مادی ناده‌ین، ب تنێ كار دكه‌ین ژ بۆ خزمه‌تكرنا هونه‌ری ل ڤی باژێری.
