دلشاد محه‌مه‌د: ناڤه‌ندا خانی یا بوویه قوتابخانه‌كا راگه‌هاندنێ ل ده‌ڤه‌رێ
دهۆك، شاكر ئه‌تروشی:
دشاد محه‌مه‌د، په‌یامنێرێ رادیۆیا دهۆك ترافیك ل قه‌زا شێخان، د دیداره‌كێ دا بۆ رۆژناما ئه‌ڤرۆ گۆت: ده‌مێ ئه‌ز قوتابی حه‌زا راگه‌هاندنێ ل ده‌ف من هه‌بوو، له‌ورا هه‌ر ل وی ده‌می من هه‌موو ئاهه‌نگێن قوتابخانێ ب رێڤه‌دبرن و ئه‌ڤ چه‌نده بۆ من بۆ ده‌ستپێكه‌كا باش كو پتر خوه پێشڤه‌ببه‌م و ده‌مێ ل سالا 2014 رادیۆیا ترافیك هاتیه ڤه‌كرن ئه‌ز بۆمه په‌یامنێرێ وان ل قه‌زا شێخان و هه‌تا نوكه یێ به‌رده‌وامم.
هه‌روه‌سا گۆت: ژبه‌ركو ئه‌ز كارمه‌ندێ هۆیا راگه‌هاندنێ مه ل پشكا هاتن و چوونێ ل قه‌زا شێخان، رۆژانه هاریكاریا گه‌له‌ك كه‌نالێن راگه‌هاندنێ دكه‌م ب تایبه‌ت یێن ده‌ڤه‌رێ ئه‌وێن دهێن ده‌نگوباسێن مه دگه‌هینن ب تایبه‌ت ژی روودانێن ترۆمبێلان، لێ مخابن ل ده‌ڤه‌را مه وه‌كو پێدڤی ده‌زگه‌هێن راگه‌هاندنێ لێ نینن، ئانكو ئه‌وێن هه‌ین ژی دكێمن و نوكه مه گه‌له‌ك راگه‌هاندكار ل ده‌ڤه‌رێ هه‌نه بۆخوه ل كاری دگه‌ڕن و هنده‌ك ژی هه‌نه جهه‌ك گرتیه و یێ دووره ژ پیشه‌یا راگه‌هاندنێ. بۆ زانین ل ده‌ستپێكا هاتنا من بۆ ناڤ راگه‌هاندنێ رۆژنامه‌ڤان چه‌كدار ئه‌تروشی، نوكه ژی ل رادیۆیا مه رۆژنامه‌ڤان هه‌ڤال محه‌مه‌د تاهر گه‌له‌ك هاریكار و پشته‌ڤانێن من بووینه و وه‌ك هزر دپلانا من دایه ئه‌ز به‌نامه‌كی ژی پێشكێش بكه‌م، زێده‌باری وێ چه‌ندێ ئه‌ز حه‌ز ژ خواندنا پرتووكان و نڤیسینا هه‌لبه‌ستان ژی دكه‌م.
ل دووماهیێ گۆت: هه‌ر چه‌نده ئه‌ز نه كارمه‌ندێ ناڤه‌ندا خانی یا ره‌وشه‌نبیری و راگه‌هاندنێ مه، به‌س ئه‌ز دبینم ئه‌ڤ ناڤه‌نده ییا بوویه قوتابخانه‌كا راگه‌هاندنێ ل ده‌ڤه‌رێ.
