سامان دخوازیت ئه‌و دیاردێن مرۆڤایه‌تیێ ژ ناڤ دبه‌ن نه‌مینن
ئه‌ڤرۆ، دلڤین ره‌شید:
فلمێ سینه‌مایی یێ IDOژ ده‌رهێنانا سینه‌ماكارێ كورد (سامان مسته‌فا) ی یه و د گه‌را 8ێ یا فلمه فیسته‌ڤالا دهۆك یا نێڤده‌وله‌تی دا هاته نیشادان و د پشكا به‌ریكانا سینه‌مایا كوردی دایه.
سینه‌ماكارێ كورد سامان مسته‌فا بۆ رۆژناما ئه‌ڤرۆ دیار كر كو كۆرته فلمێ سینه‌مایی IDO ژ نڤێسین و ده‌رهێنان و پرودیوسه‌ریا وی ب خوه یه و د چه‌ندین فلمه فیسته‌ڤالێن جیهانی دا پشكداربوویه وه‌كو ئیتالیا و ئوسترالیا و باشترین خه‌لات ل به‌رلینا كوردی وه‌رگرتیه و نوكه ژی د پشكا به‌ریكانا سینه‌مایا كوردی دایه ل د گه‌را 8ێ یا فلمه فیسته‌ڤالا دهۆك یا نێڤده‌وله‌تی و گۆت: “ب رێیا ڤی فلمی ئه‌ز دخوازم ئه‌و دیاردێن مرۆڤایه‌تیێ و هه‌ڤدو قه‌بوولكرنێ ژ ناڤ دبه‌ن نه‌مینن”.
