كه‌ڤالێن كورده‌كی ل كۆریا هاتنه نیشادان
ئه‌ڤرۆ ، زنار تۆڤی:
هونه‌رمه‌ندێ شێوه‌كار(ئاریان له‌تیف ئه‌حمه‌د) كو نوكه ل باژێرێ سلێمانییێ دژیت، د دیداره‌كێ دا بۆ رۆژناما ئه‌ڤرۆ دیاركر كو به‌ری چه‌ند رۆژان وی پشكداری د پێشانگه‌هه‌كا نێڤده‌وله‌تی یا شێوه‌كاری دا كریه ل گه‌له‌ریا سه‌نته‌رێ ره‌وشه‌نبیری ل باژێرێ ئینچییان ل وه‌لاتێ كۆریا باشۆر و شێوه‌كارێن بیست وه‌لاتێن جیهانی پشكداری د وی پێشانگه‌هێ دا كربوون، كو تێدا نێزیكی 500 كارێن هونه‌ری هاتبوونه نیشادان، كو ژ كه‌ڤال و سیرامیك و په‌یكه‌ر و پۆسته‌ران پێك دهات، پێشانگه‌ه بۆ ده‌مێ شه‌ش رۆژان یا به‌رده‌وام بوو، ئه‌ز وه‌كو شێوه‌كاره‌كێ كورد بۆ وێ پێشانگه‌هێ هاتبوومه داخوازكرن.
ناڤهاتی گۆت: هێشتا ل كوردستانێ فرۆتنا كه‌ڤالان نه‌بوویه كلتۆر، دیسان هونه‌رێ شێوه‌كاری ژی د ئاسته‌كێ نزم دایه، بۆ زانین ناڤه‌رۆكا پرانیا كه‌ڤالێن من ل سه‌ر ژینگه‌هێ نه و من ڤیایه هه‌رده‌م ب رێیا كه‌ڤالێن خوه سرۆشتێ جوانێ كوردستانێ وه‌كو خوه نیشا بده‌م.
