هه‌كه داخوازێ ژ من بكه‌ن بۆ فلمێن كوردی یا به‌رهه‌ڤم
دهۆك، هه‌رهین محه‌مه‌د:
هودا زین عابدین، ئه‌كته‌را رۆژهه‌لاتێ كوردستانێ، دیداره‌كێ دا بۆ رۆژناما ئه‌ڤرۆ گۆت: ئه‌ڤه بۆ جارا ئێكی یه ئه‌ز دهێمه دهۆكێ و پشكداری فلمه فیسته‌ڤالا دهۆكێ دبم و هه‌رچه‌نده پشكداری گه‌له‌ك فلمه فیسته‌ڤالێن ئیرانێ بوویمه، به‌لێ فلمه فیسته‌ڤالا دهۆكێ بۆ من تشته‌كێ نوو، هه‌روه‌سا یێ جودا بوو، ئه‌ز دفلمه‌كی دا پشكداربووم بناڤێ (زه‌لاڤا) كو من رۆلێ نۆشداره‌كی دگێرا و دزارڤه‌كرنێ دا هه‌موو ده‌مان حه‌زدكه‌م رۆلێ ژنێن كورد ب گێرم ئه‌وێن هێمایێ ئازادیێ و ره‌وشه‌نبیری و وێره‌كیێ ده‌ن، به‌لێ من شیانێن هه‌موو رۆلان هه‌نه ب گێرم وه‌كو رولێ حه‌زژێكرنێ و هه‌رۆله‌كێ دی یێ ل گه‌ل كه‌سایه‌تیا من ب گونجیت.
ناڤهاتیێ گۆت: د فلمه فیسته‌ڤالا دهۆكێ دا من گه‌له‌ك ده‌رهێنه‌رو ئه‌كته‌رێن كورد دیتن و من هه‌ڤنیاسین ل گه‌ل كر و هه‌كه ده‌رهێنه‌رێن دهۆكێ داخازێ ژ من بكه‌ن كو دفلمه‌كێ كوردی دا پشكداربم یا به‌رهه‌ڤم، چونكو من شیانێن ده‌رهێنه‌رێن كورد دفلمه فیسته‌ڤالا دهۆك دا دیتن چه‌ند گه‌له‌ك.
