د فلمه فیسته‌ڤالا دهۆك دا خه‌لات ب ره‌نگه‌كێ دروست هاتنه به‌لاڤكرن
دهۆك، هه‌رهین محه‌مه‌د:
ده‌رهێنه‌ر (په‌روێز روسته‌می) كو خه‌لكێ رۆژهه‌لاتێ كوردستانێ یه، دیداره‌كێ دا بۆ رۆژناما ئه‌ڤرۆ گۆت: پتریا فلمێن من ده‌ربڕینێ ژ ئێش و ئازارێن كوردان دكه‌ن ب تایبه‌ت ئه‌و زه‌حمه‌ت و ده‌ربه‌ده‌ری یا وان دیتی و من پرۆژێن نوو هه‌نه دێ ل گه‌ل ستافێ فیسته‌ڤالا دهۆكێ دانوستاندنان كه‌ین و حه‌زدكه‌م ل گه‌ل ده‌رهێنه‌رێن باشور كاربكه‌م و پێكڤه به‌رهه‌مه‌كێ باش چێكه‌ین.
زێده‌تر گۆت: ل سالا 2012 ژی پشكداری فلمه فیسته‌ڤالا دهۆكێ بووم و ئه‌ڤ ساله ژی ب فلمه‌كی پشكدارم، به‌لێ ئه‌ڤ ساله ب شێوه‌كێ باشتر ب رێڤه چوو و هیڤیدارم د فله فیسته‌ڤالێن بهێن دا پتر فلمێن كوردی تێدا بینن و د فیسته‌ڤالا هه‌شتێ ژی دا بوومه خودانێ خه‌لاته‌كی و ل ته‌هرانێ ژی بوومه خودانێ باشترین فلم و دبینم د فلمه فیسته‌ڤالا دهۆك دا خه‌لات ب ره‌نگه‌كێ دروست هاتنه به‌لاڤكرن.
