گه‌نجه‌كێ دهۆكێ خه‌لاته‌كێ جیهانی وه‌رگرت
دهۆك، زنار تۆڤی:
ده‌رهێنه‌ر(هۆگر هرۆری) د دیداره‌كێ دا بۆ رۆژناما ئه‌ڤرۆ دیاركر كو وی ب به‌لگه فلمێ (سه‌بایا) خه‌لاتێ پشكا به‌لگه فلمێن نێڤده‌وله‌تی ل گه‌را 23 ێ یا فلمه فیسته‌ڤالا ستۆكهۆلم یا نێڤده‌وله‌تی ل وه‌لاتێ سوێدێ ب ده‌ستڤه ئینا، ئه‌و گه‌له‌ك یێ كه‌یف خۆشه ب وه‌رگرتنا وی خه‌لاتی، ب وه‌رگرتنا ڤان خه‌لاتان، هێزه‌كا دی ل ده‌ف وی په‌یدا دبیت، كو ئه‌و پتر خزمه‌تا سینه‌ما كوردی بكه‌ت.
هۆگری گۆت: به‌لگه فلمێ سه‌بایا ل دۆر خه‌باتا مالا ئێزدییانه ل ده‌مێ ئه‌و كچ و ژنێن كوردێن ئێزدی یێن ره‌ڤاندی ژ ده‌ستێ تیرۆرستێن داعشێ رزگار دكه‌ن و دگه‌هیننه ناڤا كه‌سوكارێن وان، كو د ئه‌ڤی به‌لگه فلمی دا دو كه‌ساتیێن مالا ئێزدییان ب ناڤێن (مه‌حمود و شێخ زیاد) رۆل تێدا گێراینه ل رۆژئاڤایێ كوردستانێ، هه‌تا نوكه ڤی به‌لگه فلمی پشكداری د پتری 50 فلمه فیسته‌ڤالێن جیهانی دا كرییه و 15 خه‌لاتێن جیهانی و ناڤخۆیی ژی وه‌رگرتینه، ئه‌ڤ به‌لگه فلمه 91 خۆله‌كان یێ درێژه و بۆ جارا ئێكێ ئه‌و به‌لگه فلمه ل وه‌لاتێ ئه‌مریكا هاتییه نیشادان و خه‌لات ژی وه‌رگرتییه.
