ماروتا گورگیس: دڤێت هونه‌رمه‌ند گرنگیێ ب هونه‌رێ پێكڤه ژیانێ بده‌ن
دهۆك، نه‌وزاد هلۆری:
خانما شێوه‌كار (ماروتا گورگیس) كو نوكه ماموستایه ل كولیژا هونه‌رێن جوان ل هه‌ولێرێ، د دیداره‌كێ دا بۆ رۆژناما ئه‌ڤرۆ دیاركر كو ل قوناغا سه‌ره‌تای وێ حه‌زا كارێ هونه‌ری هه‌بوویه و ده‌مێ مه‌زن بووی ئه‌و حه‌ز ژی ل گه‌ل وێ مه‌زن بوویه.
ناڤهاتیێ گۆت: ئه‌ڤه چه‌ند ساله ئه‌ز كارێن شێوه‌كاری دكه‌م و چه‌ند پێشانگه‌هێن تایبه‌ت و هه‌ڤپشك من ڤه‌كرینه، دووماهی پێشانگه‌ه ژی ب هه‌ڤپشكی بوویه ل گه‌له‌ریادهۆكێ، كو من هه‌شت كه‌ڤال نیشادابوون ناڤه‌رۆكا وان ل دۆر پێكڤه‌ژیانێ بوو، و گه‌له‌كا گرنگه كو تاكێن جڤاكی ب گشتی و هونه‌رمه‌ند ب تایبه‌تی كاری ل سه‌ر پێكڤه‌ژیانێ بكه‌ن ژبه‌ركو ئه‌ڤ پێكڤه‌ژیانا ل كوردستانێ هه‌ی گه‌له‌كا گرنگه و دڤێت زێده‌تر ژی بهێته پاراستن).
ناڤهاتی، كچه‌كا كریستیانه، ل سالا 1989 ژ دایكبوویه، ده‌رچویا كویژا هونه‌رێن جوانه، هه‌تا نوكه شوو نه‌كریه.
