فلمێ دیاب خه‌لاته‌كێ دی یێ نێڤده‌وله‌تی وه‌رگرت
دهۆك، زنار:
ده‌رهێنه‌ر (مازن شێربه‌یانی) كو خه‌لكێ باژێرێ كه‌ركووكێ یه و ئه‌ڤه چه‌ند ساله ل باژێرێ له‌نده‌ن ل وه‌لاتێ بریتانیا دژیت، د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه یازده ساله ئه‌و د وارێ سینه‌مایێ دا كار دكه‌ت و هه‌تا نوكه چه‌ندین فلمێن سینه‌مایی به‌رهه‌مئیناینه، هه‌روه‌سا ب فلمێ دكیۆمێنتاری یێ ب ناڤێ (دیاب) كو بیست خوله‌كان یێ درێژه، خه‌لاتێ باشترین كورته فلمێ دكیۆمێنتاری، ل فیسته‌ڤالا فلمێن كوردی ل مۆسكۆ ل وه‌لاتێ رۆسیا د ئه‌ڤ ساله دا وه‌رگرتیه، حه‌زا وی یا سه‌ره‌كی ئه‌وه بشێت فلمێن سینه‌مایی یێن درێژ ژی به‌رهه‌م بینیت.
ناڤهاتی گۆت: ئه‌ڤ فلمێ دكیۆمێنتاری به‌حسێ چیرۆكا جینۆسایدا كوردێن ئێزدی دكه‌ت، ل شه‌رێ دژی تیرۆرستێن داعشێ، هه‌تا نوكه ڤی فلمی پشكداری د 153 فلمه فیسته‌ڤالێن نێڤده‌وله‌تی دا كریه و شیایه 43 خه‌لاتان وه‌ربگریت، كارێ وێنه‌گرتنا ڤی فلمێ دكیۆمێنتاری ژ ئالییێ ئاریان سالحی ڤه هاتییه ئه‌نجامدان.
