ژیمان مه‌حمود: ئه‌ز خێزاندارم و دسۆشیال میدیایێ دا گه‌له‌ك جاران داخوازا هه‌ڤژینیێ ژمن دهێته كرن
دهۆك، هه‌رهین محه‌مه‌د:
خانما میدیاكار(ژیمان مه‌حمود) د دیداره‌كێ دا بۆ ئه‌ڤرۆ دیاركر كو گرێبه‌ستا وێ ل گه‌ل كه‌نالێ كوردستان تیڤی ب دووماهی هاتیه و گرێبه‌سته‌ك بۆ ژ كه‌ناله‌كێ عه‌ره‌بی یێ ده‌نگۆباسی هاتیه كو ئۆفیسا وان ل (ئه‌بوزه‌بی) یه كو كه‌ناله‌كه ل ئاستێ كه‌نالی َجه‌زیره و عه‌ره‌بیه‌یه.
ژیمانێ گۆت: من گه‌له‌ك هزر هه‌بوون و من داینه راگه‌هاندنێ و دبیت ئه‌و هزره به‌ری نوكه د راگه‌هاندنا كوردی دا نه‌بووینه و نوكه دوارێ هندی َدانه بهێنه بجه ئینان، به‌لی َنوكه دبیت بودجه نه‌بیت، یان ده‌م نه‌بیت و یا من ژ راگه‌هانێ وه‌رگرتی من گه‌له‌ك پێزانین ژ راگه‌هاندنی َوه‌رگرتن كو به‌ری نوكه من نه‌دزانین و من گه‌له‌ك كه‌سایه‌تێن مه‌زن و ناڤدار دناڤ راگه‌هاننێ دا كاردكه‌ن من نیاسین و بۆ من وێره‌كی به‌رامبه‌ری كامیرێ و شاشی َو بینه‌ران چێبوو و دو كه‌نالان داخواز ژمن كریه كو ل گه‌ل وان كاركه‌م، به‌لێ كه‌ناله‌كێ ژوان مه‌رجێن وان گه‌له‌ك ب هێزبوون و ئێك ژوان چوونا ده‌وامكرنێ ل گه‌ل وان بۆ من نه‌یا گونجای بوو، مه‌رجێ دویێ نابیت ب چوو ده‌نگان ئه‌ز كارێ ریكلامكرنێ بكه‌م و ئه‌ڤه بۆ من گه‌له‌ك یاب زه‌حمه‌ت بوو، ژلایێ مادی ژی ڤه مرۆڤ گه‌له‌ك زیانێ دبینت و مرۆڤ نه‌شێت گه‌له‌ك گرێبه‌ستان وه‌گریت ل سه‌ر كارێن بازرگانی و كه‌نالێ دویێ ژی ژبه‌ركو موچه‌یێ وان گه‌له‌ك یێ كێم بوو وه‌كو ئه‌ز گوه لی َدبم پتریا وان كه‌سێن دناڤ راگه‌هاندنی َدا كاردكه‌ن پارێ وان گه‌له‌ك یێ كێمه و هه‌كه داهاتی َوی ل سه‌ر راگه‌هاندنێ بیت نه‌شێت یێ به‌رده‌وام بیت و ب دیتنا من هاتنوچوونا میدیاكاران ب ره‌نگه‌كێ ب له‌ز ژ كه‌ناله‌كی بۆ كه‌ناله‌كێ دی تشته‌كێ باش نینه.
ل دووماهیێ گۆت: ئه‌ز خێزاندارم و دسۆشیال میدیایێ دا گه‌له‌ك جاران داخوازا هه‌ڤژینیێ ژمن دهێته كرن و ب كه‌نی ڤه ئێكسه‌ر گوستیركا خوه یا هه‌ڤژینیی َو زارۆیێن خوه نیشا دده‌م.
