رێناسی سۆپرایزه‌كا بۆ سه‌رێ سالا نوو هه‌ی
ئه‌ڤرۆ، زنار تۆڤی:
سترانبێژ رێناس ئاكره‌یی، ئه‌ڤه چه‌ندین ساله ل وه‌لاتێ كه‌نه‌دا دژیت، د دیداره‌كێ دا بۆ رۆژناما ئه‌ڤرۆ دیار كر: ل ڤان رۆژێن بوری وی ڤیدیۆ كلیپه‌كا نوو ب ناڤێ “خه‌مه‌ك” به‌لاڤكریه، كو هه‌لبه‌ستا وێ سترانێ یا هه‌لبه‌ستڤان (فوكری هه‌رنی) بوویه، رێناسی ب خوه ئاوازا وێ سترانێ دانایه و كارێ ئارانجێ ژ لایێ سه‌رهه‌نگ ئاكره‌یی ڤه بۆ هاتیه كرن، ده‌رهێنانا كلیپێ ژ لایێ ده‌رهێنه‌ر (به‌هێز ئاكره‌یی) ڤه بۆ هاتیه كرن.
ناڤهاتی گۆت ژی: نوكه كار ل سه‌ر چێكرنا به‌رهه‌مه‌كێ نوو دكه‌م، هه‌ر چه‌نده بۆ چێكرنا هه‌ر به‌رهه‌مه‌كێ هونه‌ری گه‌له‌ك ده‌م دڤێت، ئه‌م گه‌له‌ك تێكست و ئاوازان ژی د گوهۆڕین، هه‌رده‌م من ڤیایه كاره‌كێ باش پێشكێشی خه‌لكێ خوه بكه‌م، من لبه‌ره ڤێ جارێ كاره‌كێ باش و ژ هه‌ژی پێشكێشی حه‌ز ژێكه‌رێن ده‌نگێ خوه بكه‌م، دیسان ب ره‌نگه‌كێ به‌رده‌وام ئه‌ز كارێ هونه‌ری دكه‌م، بۆ سه‌رێ سالا نوو ژی وی سۆپرایزه‌ك هه‌یه و دیسان ل ده‌ستپێكا بهارێ ژی دێ كاره‌كێ نوو یێ هونه‌ری به‌لاڤ كه‌ت.
