هه‌ژار زه‌هاوی نووترین به‌رهه‌مێ خوه به‌لاڤ كر
ئه‌ڤرۆ:
مۆزیكژه‌نێ كورد (هه‌ژار زه‌هاوی) نووترین به‌رهه‌مێ خوه یێ هونه‌ری بناڤێ (Wake up Ur) به‌لاڤكر كو ل دێرینترین باژێرێ مێژووی یێ عیراقێ به‌رهه‌مئینایه ب سپونسه‌ریا تورا میدیای یا رووداو به‌لاڤ كر و نوكه حه‌زژێكه‌رێن مۆزیكژه‌نێ ناڤهاتی دشێن ب رێیا یوتیوبێ (زه‌هاوی میۆزیك هاوس) بینه‌ریا ڤی به‌رهه‌می بكه‌ن.
مۆزیكژه‌ن هه‌ژاری بۆ رووداو دیار كر كو ئه‌ڤ ڤیدیۆ كلیپه ل باژێرێ (ئوور) یێ مێژووی ل عیراقێ وێنه‌كریه كو بۆ جارا ئێكێ یه ڤیدیۆ كلیپه‌ك ل ڤی باژێری دهێته وێنه‌كرن و گۆت: “بنار كامل، ب كارێ ده‌رهێنانا ڤێ كلیپێ راببوو”.
هه‌ژار زه‌هاوی ل هه‌یڤا بۆری د كۆنسێرته‌كێ دا كو هونه‌رمه‌ندێن هه‌ر چار پارچێن كوردستانێ تێدا پشكدارببوون، دامه‌زراندنا مالا زه‌هاوی ل هه‌ولێرێ راگه‌هاند كو بۆ ده‌مێ دو سالانه (نێچیرڤان بارزانی) سه‌رۆكێ هه‌رێما كوردستانێ پشته‌ڤانیا دارایی یا ڤێ مالێ دكه‌ت.
