ده‌نگێ هونه‌رمه‌ند (ته‌حسین ته‌ها)ی كارتێكرن ل وی كریه
ئه‌ڤرۆ، هه‌رهین:
سترانبێژێ گه‌نج هژیان كو نوكه ل وه‌لاتێ نه‌رویج دژیت د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو نوكه ئه‌و مژوولی تۆماركرنا سترانه‌كێ یه ب ناڤێ (یاجانه) ژ په‌یڤ و ئاوازێن ئیبراهیم یه‌كتا سه‌رپه‌شتێ مۆزیكێ (نیكار كامل) و ده‌رهێنان (هه‌ژار دهۆكی) ژڤانه به‌ری سه‌رێ سالێ بهێته به‌لاڤكرن.
هژیانی گۆت ژی: من ستایلێ خوه یێ تایبه‌ت هه‌یه و ل سه‌ر دچم و نه‌شێم ب گوهۆڕم، به‌لێ راهێنان دڤێت ل سه‌ر بهێنه‌كرن گه‌له‌ك سترانبێژان سترانێن هونه‌رمه‌ندان نوو كرینه و من حه‌زدكر سترانێن گه‌له‌كا نوو كربان و ب تایبه‌ت ده‌مێ گوهێ خوه ده‌مه سترانێن هونه‌رمه‌ند (ته‌حسین تاها)ی گه‌له‌ك كارتێكرن ل من دهێته‌كرن، به‌لێ سترانبێژێ حه‌ز ژێ دكه‌م (عه‌بدولواحد زاخۆیی) یه و گه‌له‌ك جارا ل قوتابخانێ من سترانێن وی گۆتینه و دبه‌رنامێ من دایه نێزیكی چار پێنج سترانێن وی و هنده‌ك كوپلا ب هه‌لبژێرم و بێژم و من گه‌له‌ك حه‌ز دكر سترانا وی یا بناڤێ (مخابن) یا من با و من گۆتبا و ل ڤێ دووماهیێ گه‌له‌ك كه‌سان سترانێن هونه‌رمه‌ند (عه‌بدولواحد زاخۆیی)ی گۆتینه و هه‌موو سترانبێژ ده‌حه‌قێ وێ سترانێ ده‌رنه‌كه‌فتینه و مه سترانبێژ هه‌نه وه‌كو (هشیار كوچه‌ر) و (ئیسماعیل سیاری) و (خالد مزیری) گه‌له‌ك خوه‌ش سترانێن عه‌بدولواحدی دبێژن و ده‌رحه‌ق ده‌ردكه‌ڤن.
