لوقمان جه‌میل: من هه‌موو داخوازنامێن ئاهه‌نگا شه‌ڤا سه‌رێ سالێ ره‌تكرینه
ئه‌ڤرۆ، رێوار محه‌مه‌د ره‌شید:
سترانبێژێ رۆژئاڤایێ كوردستانێ (لوقمان جمیل) كو نوكه ل وه‌لاتێ ئه‌لمانیا دژیت ددیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو د پلانا وی دایه د سالا نوو یا زایینی دا چه‌ندین كارێن هونه‌ری یێن نوو پێشكێشی حه‌زژێكه‌رێن ده‌نگێ خوه بكه‌ت ژوان كاران ژی كلیپكرنا سترنا خوه یا بناڤێ (سولتانا من) و د هه‌مان سال دا دێ ب مه‌ره‌ما ئه‌نجامدانا چه‌ندین كارێن هونه‌ری سه‌ره‌دانا هه‌رێما كوردستانێ ژی كه‌ت و گۆت: “گه‌له‌ك داخوازنامه بۆ من هاتن كو ل شه‌ڤا سه‌رێ سالێ پشكداریێ د چه‌ندین كۆنسێرتان دا بكه‌م، به‌لێ من هه‌موو ره‌تكرن، ژ به‌ر كو دخوازم شه‌ڤا سه‌رێ سالێ دگه‌ل خێزان و زارۆیێن خوه ببورینم”.
ناڤهاتی ئاماژه دا وێ چه‌ندێ كو نوكه ئه‌و یێ به‌رهه‌ڤیان بۆ پێشكێشكرنا به‌رنامه‌كێ هونه‌ری و جڤاكی ل كه‌ناله‌كێ ئاسمانی یێ كوردی دكه‌ت و گۆت: “هونه‌رمه‌ندان دێ ژ هه‌ر چار پارچێن كوردستانێ مێهڤان كه‌مه به‌رنامێ خوه و ئه‌ز باوه‌رم دێ به‌رنامه‌كێ سه‌ركه‌فتی بیت ژ به‌ر كو به‌ری نوكه من به‌رنامێن هونه‌ری پێشكێشكرینه و سه‌ربوور من دگه‌ل كارێ راگه‌هاندنێ هه‌نه”.
