ب شێوازێ خوه یا ئێكێ یه ل ئیراقێ
دهۆك، هه‌رهین محه‌مه‌د:
شێوه‌كاره‌كا عه‌ره‌ب ب ناڤێ (زه‌هرا نه‌زیر) د دیداره‌كێ دا بۆ رۆژناما ئه‌ڤرۆ دیاركر كو ل پێنجشه‌مبا بۆری وێ پێشانگه‌هه‌كا شێوه‌كاری ل بن ناڤێ (ئه‌فسانه و كارێن ده‌ستی) ل هولا گه‌له‌ریا دهۆكێ ڤه‌كر بوو كو ژ پێنجی كه‌ڤالان پێك دهات و پتریا كه‌ڤالێن وێ ده‌ربڕین ژ هه‌موو ئاینان و مێژویێ دكر، ئه‌و پێشانگه‌ه ب پشته‌ڤانیا رێڤه‌به‌ریا گشتی یا ره‌وشه‌نبیری و هونه‌ری/ رێڤه‌به‌ریا هونه‌رێ شێوه‌كاری ل دهۆكێ هاتبوو ڤه‌كرن.
ناڤهاتیێ گۆت: ژبۆ چێكرنا كه‌ڤالان و ڤی شێوازێ تایبه‌ت ژبابێ َخوه فێربوویمه ئه‌و پێشانگه‌هه من ژبۆ رۆحا دایكا خوه ڤه كر، كو دبیته پێشانگه‌ها من یائێكێ و به‌ری نوكه ژی من پشكداری ل گه‌له‌ك پێشانگه‌هێن هه‌ڤپشك داكریه و گه‌له‌ك حه‌زدكه‌م ل گه‌ل هونه‌رمه‌ندێن دهۆكێ كاربكه‌م وه‌كو ڤه‌كرنا پێشانگه‌هان، به‌لێ ستایلێ من و وان ژێك جودایه و ئه‌و ب ره‌نگان كاردكه‌ن و ئه‌ز ل سه‌ر كانزایێن ته‌ر كاردكه‌م و دهێمه هژمارتن یا ئێكێ ل ئیراقێ كو ب ستایله‌كێ وه‌سا كاردكه‌م.
