بزاڤا هونه‌ری ل دهۆكێ یا زیندی یه
هه‌له‌بجه، عه‌زیز هه‌ورامی:
هونه‌رمه‌ندێ شێوه‌كار (دلشاد كوێستانی) كو به‌ری هه‌یڤه‌كێ پێشانگه‌هه‌ك ل گه‌له‌ریا دهۆكێ ڤه‌كربوو، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووك دا من خه‌ون ب وێ چه‌ندێ ڤه دیتتن رۆژه‌ك بهێت ئه‌ز ببمه شێوه‌كاره‌كێ به‌رنیاس، سوپاس بۆ خودێ هه‌تا راده‌كی خه‌ونا من بجه هاتیه و هه‌تا نوكه من (70) پێشانگه‌ه ڤه‌كریه و ل (11) وه‌لاتان ژی پشكداری د پێشانگه‌هێن هه‌ڤپشك دا كریه، هه‌روه‌سا خودانێ گه‌له‌ریه‌كا تایبه‌تم ب خوه ڤه ل وه‌لاتێ فره‌نسا كو ئه‌ڤه چه‌ند ساله ئه‌ز ل وێرێ دژیم.
كوێستانی گۆت: ده‌مێ ئه‌ڤ جاره ئه‌ز هاتیمه كوردستانێ كو به‌ری هه‌یڤه‌كێ بوو من پێشانگه‌هه‌كا شێوه‌كاری ل هولا گه‌له‌ریا دهۆك ڤه‌كر، پاشان ئه‌ز چوومه هه‌ولێر و سلێمانیێ و هه‌له‌بجه و گه‌رمیان ژی من دڤێت كه‌ڤالێن خوه ل هه‌موو باژێرێن كوردستانێ نیشابده‌م و ده‌مێ ئه‌ز چوویمه دهۆكێ من ل وێرێ هه‌ستپێكر كو بزاڤا هونه‌ری ل وی باژێری یا زیندی یه و ئه‌ز ژی وه‌كو هه‌ر شێوه‌كاره‌كی كه‌ڤالێن خوه دفرۆشم، لێ هێشتا فرۆتنا كه‌ڤالان ل كوردستانێ یا كێمه و بهای پێ ناده‌ن، به‌لێ ل ئۆرۆپا گه‌له‌ك باشتره و ل فره‌نسا گرنیه‌كا باش ب هونه‌ری و هونه‌رمه‌ندان دهێته دان.
