غه‌ریب قادر: پتریا سترانبێژێن مه سترانان ل دووڤ بیره‌وه‌ریا چێدكه‌ن
ئه‌ڤرۆ، هه‌رهین محه‌مه‌د:
هه‌لبه‌ستڤان غه‌ریب قادر، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: من هه‌لبه‌ست داینه گه‌له‌ك سترانبێژان و هنده‌ك ژوان ژی من ئاواز ژی داینێ، به‌لێ گه‌له‌ك حه‌زدكه‌م هه‌لبه‌ستێن خوه بده‌مه هونه‌رمه‌ند (بلند ئیبراهیم)ی ژی و ل گه‌ل وی كاركه‌م و به‌ری نوكه من ل گه‌ل هونه‌رمه‌ند (هه‌ڤال ئیبراهیم و بلندی و هوزان حه‌یده‌ر) و گه‌له‌ك سترانبێژێن دی یێن گه‌نج كاركریه.
ناڤهاتی گۆت ژی: پتریا هه‌لبه‌ستێن من سترانكی نه و دچێكرنا هه‌لبه‌ستان دا ل دووڤ گوهداران دچم و وی تشتی چێدكه‌م یێ گوهدارو بینه‌ران دڤێت و هێشتا من بزاڤ نه‌كریه بینه‌ر و گوهدار ل دووڤ مه بهێن و ئه‌م ل دووڤ وان دچین كا وان چو دڤێت و جاران ژی په‌یاما ب هه‌لبه‌ستێ دگه‌هینم و پتریا سترانبێژێن مه ژی ل دووڤ بیره‌وه‌ریا سترانان چێدكه‌ن و ئه‌و سترانا نه‌مره یا ب هه‌ست بیت و هه‌لبه‌ست و سترانا ئه‌ڤینی ژی ژ سترانێن نه‌مره و بینه‌رو گوهدارێ خوه یێ هه‌ی، به‌لێ ب مه‌رجه‌كی یا ب رێك و پێك بیت په‌یڤێن جوان دناڤدا بن و یان بتنێ ستایشا كه‌سه‌كی بكه‌ت و په‌سنه بن و رێكو پێكیا هه‌لبه‌ستێ گرنگتره ژ بابه‌تی كو په‌یڤێن پاقژ بن.
ناڤهاتی زێده‌تر گۆت: سترانێن من داینه (هه‌ڤال ئیبراهیم)ی سترانا من توناسكر و برایه‌تی و نێرگرزا سه‌رێ چیا و شه‌هید و ڤێ سپێدێ خه‌ملا خوه‌كر و نه‌شێم ناڤێ ته بێژم، ناترسی هنده‌ك هه‌لبه‌ت هه‌نه ب دو رۆژا ب دووماهی دهێن و هنده‌ك هه‌نه هه‌یڤه‌كێ مرۆڤ ل سه‌ر كاردكه‌ت و ل دووماهیا هه‌لبه‌ستێ دیاردبیت كا كیژ هونه‌رمه‌ند دێ ده‌رهه‌قا گۆتنا وێ هه‌لبه‌ستێ ده‌ركه‌ڤیت.
