ل فیسته‌ڤالا شاریقه27 وه‌لات پشكدارن، نوونه‌را ئیراقێ ژ دهۆكێ یه
ئه‌ڤرۆ:
چالاكیێن خۆلا 24 یا فیسته‌ڤالا هونه‌رێن ئیسلامی ل ئیماراتا شاریقه ل ژێر تایتلێ (تدرجات) ل 15 ڤێ هه‌یڤێ ده‌سپێكرینه، 63 هونه‌رمه‌ند دپشكدارن ژ سه‌رجه‌مێ 284 كارێن هونه‌ری و 151 چالاكیان ژ 27 وه‌لاتێن جیهانێ، ئه‌ڤ خۆله ل ژێر چاڤدێریا (سموالشیخ) د. سولتان بن محه‌مه‌د قاسمی یه، ئه‌ندامێ جڤاتا بلندو ده‌ستهه‌لاتدارێ شاریقه، چالاكی ل ناڤ مۆزه‌خانا شاریقه هاتنه ئه‌نجامدان ب به‌رهه‌ڤبوونا وه‌لی عه‌هدی و هژماره‌كا مه‌زنا هونه‌رمه‌ندێن جیهانێ.
نوونه‌را ئیراقێ د. كه‌وسه‌ر جه‌باره مامۆستایا زانكۆیا دهۆكێ یه پشكدارا فیسته‌ڤالێ، بۆ ئه‌ڤرۆ دبێژیت كو به‌یاناما فیسته‌ڤالێ ئاماژه دایه كو ئیماراتێ چه‌ندین هونه‌رمه‌ند گازی كرینه بۆ ئه‌ڤ ساله ب ژیوارێ 16 هونه‌رمه‌ندان ژ هه‌ردو ره‌گه‌زان و پشكداربكرنا وه‌لاتێن مینا ئیراق، مسر، سعوودیه، قه‌ته‌ر، یه‌مه‌ن، به‌حرێن، كوێت، سووریێ، ئسپانیا، فره‌نسا، هند، بریتانیا، ئه‌مریكا، توركیا، دانیمارك، كه‌نه‌دا، هونگ كونگ، ئه‌لمانیا و دیسا سڕبیا كو جارا ئێكێ یه پشكدار دبیت، گۆت مه‌ره‌م ژ ڤێ فیسته‌ڤالێ پێشخستنا ڤی جۆرێ هونه‌ری یه، نه‌مازه گرنگیا (تدرج ئه‌كادیمی) و زانستی د ناڤ هونه‌ردان دا و مفاوه‌رگرتنا هونه‌رمه‌ند و قوتابیان و جه‌ماوه‌رێ هونه‌ری ل ده‌ڤه‌رێ و جیهانێ.
