فلمێ (ئه‌زموون) د سێ فیسته‌ڤالێن سینه‌مایی دا پشكداربوو
ئه‌ڤرۆ:
فلمێ سینه‌مایی (ئه‌زموون) یێ ده‌رهێنه‌رێ ناڤدارێ كورد (شه‌وكه‌ت ئه‌مین كوركی) ل فلمه فیسته‌ڤالا گوا یا نێڤده‌وله‌تی یا 52 یێ ل هندستانێ و فلمه فیسته‌ڤالا تێفلیس یا نێڤده‌وله‌تی یا 22 ل جورجیا و فلمه فیسته‌ڤالا ده‌ریا سۆر یا ئێكێ ل وه‌لاتێ سعودیه پشكداربوو.
فلمێ سینه‌مایی (ئه‌زموون) یێ ده‌رهێنه‌رێ ناڤدارێ كورد (شه‌وكه‌ت ئه‌مین كوركی) ژ به‌رهه‌مئینانا (مه‌مه‌د ئه‌كتاشه) و به‌رهه‌مێ هه‌ڤپشكێ هه‌رێما كوردستانێ و وه‌لاتێ ئه‌لمانیا و قه‌ته‌ره، د نووترین پشكداریا خوه دا ل پشكا پانۆراما جیهانی ل فلمه فیسته‌ڤالا گوا یا نێڤده‌وله‌تی یا 52 یێ ل هندستانێ هاته نیشادان، ل پشكا ئاسۆكان ل فلمه فیسته‌ڤالا تێفلیس یا نێڤده‌وله‌تی یا 22 ل جورجیا و فلمه فیسته‌ڤالا ده‌ریا سۆر یا ئێكێ ل وه‌لاتێ سعودیه ژی هاته نیشادان، رووداو به‌لاڤكریه كو (ئه‌زموون) به‌رهه‌مێ كۆمپانیا میتۆس فلمه ل به‌رلینێ و كۆمپانیا مه‌ست یا فلمانه ل سلێمانیێ كو ب پشته‌ڤانیا وه‌زاره‌تا ره‌وشه‌نبیری و لاوان یا حكومه‌تا هه‌رێما كوردستانێ هاتیه به‌رهه‌مئینان و ژ لایێ كۆمپانیا ئه‌لمانی (ئاڕت هوود) ل جیهانێ دهێته به‌لاڤكرن.
