شێوه‌كاریێ هزرێن وێ ژ وێ وه‌رگرتینه
دهۆك، هه‌رهین محه‌مه‌د:
شێوه‌كارا گه‌نج لانا عه‌بدوالرحمان، دیداره‌كێ دا بۆ رۆژناما ئه‌ڤرۆ گۆت: من هه‌موو هێزو خه‌یالا خوه دا هونه‌رێ شێوه‌كاری و هونه‌رێ شێوه‌كاری ژی هزرێن من ژ من وه‌رگرتن و كرنه داهێنان و پتریا شێوه‌كارێن دهۆكێ ل سه‌ر ئێك ستایل دچن، به‌لێ مه شێوه‌كار هه‌نه داهێنانه‌كا مه‌زن دكه‌ن و شێوازێ ریالیزی وه‌كو ناخێ خوه دبینن و زاری خه‌لكی ڤه‌دكه‌ن و هه‌كه چاڤێ مرۆڤی ل مرۆڤی نه بیت و زاری خه‌لكی ڤه‌كه‌ت هه‌موو دێ وه‌كو ئێك بن و مرۆڤ بتنێ ته‌ماشه‌ی خوه بكه‌ت و مرۆڤ خوه باشكه‌ت نه‌كو ته‌ماشه‌ی پێشیا خوه بكه‌ت ل وی ده‌می مرۆڤ وه‌كو وان لێ ناهێت، به‌لێ شێوه‌كرارێن مه ته‌ماشه‌ی هونه‌رمه‌ندێن جیهانی دكه‌ن له‌وه پتریا كه‌ڤالێن وان وه‌كو ئێكن و ه‌ر شێوازێ ریالیزمی كاردكه‌ن، به‌لێ ئه‌و ژی نه هه‌موو شێوه‌كار دوه‌سانه.
هه‌روه‌سا گۆت: راسته ده‌مێ پێشانگه‌هه‌كا شێوه‌كاری دهێته ڤه‌كرن هه‌ر بینه‌ر و مێهڤان شێوه‌كار بخوه‌نه و دیسان هونه‌ر دوستن و حه‌زا شێوه‌كاری هه‌یه، به‌لێ شیانێن چێكرنا كه‌ڤالان نینه و پتریا خه‌لكێ مه یێ كوردستانێ حه‌ز ل سه‌ر هونه‌رێ شێوه‌كاری نینه و هونه‌ره‌كه هاتیه پشت گوه هاڤێتن، له‌ورا هه‌تا نوكه ئه‌و ره‌وشه‌نبیری ل ده‌ڤ خه‌لكێ مه چێنه بوویه كه‌ڤالێن خۆمالی ل مال و كۆمپانی و جهێن فه‌رمی ب هه‌لاویسن.
