بامه‌رد ژان : هونه‌ر دناڤ خوینامن دایه نه‌شیم ژێ دووركه‌ڤم
ئه‌ڤرۆ, شاهۆ فه‌رید:
سترانبێژ (بامه‌رد ژان) كو خه‌لكێ باكۆرێ كوردستانێ یه، د دیداره‌كێ دا بۆ رۆژناما ئه‌ڤرۆ گۆت: ل سالا 2002 من ده‌ست گوتنا سترانا كریه و ئێكه‌م سترانا خوه ژی من دگه‌ل هه‌ڤژینا خوه گۆتیه، كو ب شیوازێ دو قۆلی بوو، ئه‌م ب وێ سترانێ به‌رنیاس بووین و چه‌ند ئه‌لبۆم ژی من هه‌نه و هوزان ئاواز بۆ خوه چێدكه‌م و ئه‌ڤه ئێكه‌م سه‌ره‌دانا منه بۆ هه‌رێما كوردستانێ و گه‌له‌كێ دڵخۆشم خه‌ونامن بۆ بینم بۆ راستی چه‌ند كارێن هونه‌ری ژی به‌رده‌ستێ من هه‌نه لێ دیار نینه كه‌نگی دێ كاری ل سه‌ركه‌م ژبه‌ر چه‌ند ئه‌گه‌را و نوكه ژی دا بینم وه‌كی باكووری سترانا عه‌ره‌بی كنترۆل سه‌ریا كوردی كریه خه‌لكه‌ك خوه‌ڤه گرێ دایه ئه‌ڤه ژی بۆ من بخوه جهًێ دل ته‌نگیێ یه چونكۆ تام و ره‌سه‌ناتیا فۆلكلۆرێ سترانا كوردی به‌رب نه‌مانێ دچیت و ستایلێ پۆپ و راپ و عه‌ره‌بی یێ تێكه‌ل دكه‌ن و دخوازم ستران وه‌كو خوه بمینن.
زێده‌تر گۆت: ئه‌ز دبینم هه‌كه دشیان دا بیت سترانبێژی دو سالان ئه‌لبۆمه‌كێ به‌رهه‌م بینت زۆر باشتره كلیپه‌كێ چێبكه‌ت دێ بۆ وی وه‌كو پتووكه‌ك لێ هێت و ده‌وله‌مه‌ن دبیت ب سترانا دبیت ژبه‌ركۆ ده‌ریا هونه‌رێ هونه‌رێ كوردی ل جیهانێ پتره ژبه‌ر ماموستایێن وێ مینا (محه‌مه‌د عارف و حه‌سه‌ن جزیری و ئه‌ره‌وان زاخۆیی و عه‌یشاشانێ…..هتد) و نوكه سۆشیال ژی ژبۆ هنده‌كان هاریكاره به‌س ده‌م گه‌له‌ك دڤێت تا هه‌رده‌م دیاربی نێزیكی جه‌ماوه‌رێ خوه بی و زۆر حه‌زدكه‌م سترانه‌كا دوقۆلی ل گه‌ل هونه‌رمه‌ند (شڤان په‌وه‌ری) بێژم و ئه‌ز ژ ئامیرێ ته‌مبورێ و قه‌وال و كلاسیك حه‌زدكه‌م چونكۆ دڤێت هه‌موو ئالاڤه خزمه‌تا هونه‌رێ خوه بكه‌ین هه‌ر جهه‌كێ بیت ژبه‌ر په‌ژیكا كۆرۆنایێ ژی كارتێكرن سه‌رهونه‌مه‌ندی هه‌بوو ژبه‌ر كێمبوونا كونسێرتا و ئاهه‌نگێن تایبه‌ت و گه‌له‌ك حه‌ز هونه‌ری دكه‌م نه‌شێم ژێ دووركه‌ڤم ناڤ خوینامن دایه.
