نیگار بێ به‌رامبه‌ر بۆ كه‌سێ كار ناكه‌ت
ئه‌ڤرۆ، هه‌رهین محه‌مه‌د:
شێوه‌كارا گه‌نج (نیگار هاشم) دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: هونه‌رێ شێوه‌كاری چو تشت ژمن نه وه‌رگرتیه، به‌لكو به‌رۆڤاژی یال من زێده‌كری، دیتنا ژیانێ و كاودان و نه‌خۆشیا نوكه ب ره‌نگه‌كێ به‌رفره‌هتر دبینتم، چونكو مێشكه‌كێ ڤه‌كری یێ دایه من و ده‌مێ هزر دكاره‌كی دا دكه‌م به‌رفره‌هی تێدا دكه‌م و خۆشی و نه‌خۆشیا دكه‌مه كه‌ڤال و د سرۆشتی دا پتر هزرا خوه دكه‌م وه‌كو چاڤه‌كێ هونه‌ری ته‌ماشه دكه‌مێ و پتریا كارێ من ب دیزاینا مه‌حفیرا ڤه دگرێدای بوون نه‌خشه و نیگار بوون و هنده‌ك جاران ئه‌و روویدانێن به‌ربه‌لاڤ بووین وه‌كو ئه‌و زارۆیێ د ده‌ریا ئیجه‌دا خه‌ندقی، ئانكو ئێش و ئازارێن جڤاكی د ئینمه هه‌بوونێ، به‌لێ نه ب ره‌نگه‌كێ سیاسی و هه‌ر وێنه‌كێ من چێكری سه‌رو چاڤ و كه‌سایه‌تێن ناڤدار بووینه.
نیگارێ گۆت: به‌ری نوكه من پتر ل سه‌ر شێوازێ سرۆشتی كاردكرو نوكه شێوازێ كاریكاتێری ب كاردینم و نه‌خشه و نیگار وه‌كو كارێ دیزاینكرنا مه‌حفیرا گرێدایی رێڤه‌به‌ریه‌كێ و رێكخراوه‌كێ بووم هه‌ر جاره‌كێ وان دفرۆتن ژبهایێ وێ كه‌ڤالی كێمتر بوو یێ من دیزاینكری وده‌مێ ئه‌ز بخوه چێدكه‌م دهێنه فرۆتن، چونكو ل دووڤ داخوازیا كه‌ڤالان چێدكه‌م و پتریا جاران دكه‌ڤالێن خوه دا ره‌نگێن پایزی ب كاردینم خو كه‌ڤاله‌كێ زڤستانی ژی بیت ره‌نگێن نێزیكی پایزێ تێداب كارتینم و هه‌ركه‌سێ كه‌ڤالێ من بینت دزانیت یامنه، چونكو پتر ره‌نگێن پایزی گه‌له‌ك ب كاردینم و هه‌ر كاریكاتێره‌كێ چێدكه‌م هه‌تا دو ده‌مژمێران ل سه‌ر كاردكه‌م و هنده‌ك جاران ده‌ه جاران دروستكه‌م هه‌تا ئێكی دروست ده‌رێخم ول دووڤ ئه‌و هزرا من بۆ وی كارێكاتێری دانای چونكو كاریكاتێر هه‌موو قیاسن و دڤێت مرۆڤ ژوان قیاسا نه ده‌ركه‌ڤیت
ل دووماهیێ گۆت: داهاتێ من هه‌موو ژكارێ من دهێت بۆ من بوویه پیشه و راسته هونه‌رمه‌ند ب گشتی دبێژن هونه‌ر نه‌بوویه پیشه هونه‌رمه‌ند خوه پێ خودان بكه‌ت و دبینم ئه‌و هه‌لبژاراتنا ئه‌و تێدا كاردكه‌ن و ده‌می َمرۆڤ جهه‌كی ب دووماهی بینیت دڤێت مرۆڤ ب زانیت پشتی وی ده‌می دێ چكه‌ت و به‌ری مرۆڤ ل وی جهی بخوینت ب زانیت دێ ب چو رێ دا چی و ئه‌و رێكێن من هه‌لبژارتین داهاتێن من ژ وان رێكان دهێت و بۆچی نوكه كاریكاتێری چێدكه‌م، چونكو نوكه حه‌زا گه‌له‌ك كه‌سانه خوه بینم ب ره‌نگه‌كێ دی و شه‌رمێ ژ چو كه‌سان ناكه‌م و هه‌ڤال و مرۆڤێن من هه‌موو دزانن هه‌كه داهاتی ژیێ به‌رامبه‌ر نه‌وه‌رگرم بۆ كار ناكه‌م.
