محه‌مه‌د مراد خان: من دڤێت تشته‌كێ باش پیًشكێشی راگه‌هاندنا كوردی بكه‌م
دهۆك، شاكر ئه‌تروشی:
میدیاكارێ به‌رنیاس (محه‌مه‌د مراد خان) كو نوكه بێژه‌ره ل كه‌نالێ زاگرۆس یێ عه‌ره‌بی، د دیداره‌كێ دا بۆ رۆژناما ئه‌ڤرۆ دیاركر كو ده‌ستپێكا وی ل گه‌ل كارێ راگه‌هاندنێ ل 2005 بوو، ئه‌و ژی ل گه‌لێ ده‌نگێ ئه‌مریكا بوو وه‌ك ئینسات ل گه‌ل خودێ ژێ رازی خه‌له‌فێ زێباری كار دكر، دووڤدا چوو كه‌نالێ الشرقیه یێ ئیراقی و ل چه‌ند كه‌نالێن دی كارێ بێژه‌ریێ ب هه‌ر سێ زمانێن كوردی و عه‌ره‌بی و فارسی كریه.
محه‌مه‌د، كو ژدایكبوویێ سالا 1979 یه ل دهۆكێ گۆت: ده‌مه‌كی من ل كه‌نالێ وار ژی كاركریه لێ من ب خوه ده‌ست ژكاركێشنانا خوه نڤیسی، چنكو من جۆره نه‌دادپه‌روه‌ریه‌ك لێ دیت، لێ نوكه ل زاگرۆس یێ ئارامم و ب كارێ خوه یێ دلخۆشم.
ل دووماهیێ گۆت: ل سالێن كاركرنێ ل گه‌ل چه‌ندین كه‌نال گه‌له‌ك بیرهاتن و رۆژێن خۆش و نه‌خۆش د سه‌رمه‌دا ده‌رباز بووینه، یا نه‌خۆش ئه‌و بوو ده‌مێ مه كه‌ركووك ژ ده‌ست دای ژ ئه‌نجامێ خیانه‌تا شازده‌ی ئۆكتۆبه‌رێ ژی، یا خۆش ژی ئه‌و بوو جاره‌كێ ئه‌م ل ئۆردن بووین من ل وێرێ زانی كو گه‌له‌ك میدكارێن به‌رێ یێن ئیراقێ د بنیاتدا كورد بوون، ژوانا رۆشدوی عه‌بدولساحب، و من گه‌له‌ك هیڤی و ئۆمێد بۆ پاشه‌رۆژێ هه‌نه، ژوانا من دڤێت ئه‌ز یێ به‌رده‌وام و تشته‌كێ باش پیًشكێشی راگه‌هاندنا كوردی بكه‌م، بۆ زانین بابێ من ئێك ژ وێنه‌گرێن دێرینێن دهۆكی بوو لێ ل سێمێلی یێ ئاكنجی بوو، هه‌روه‌سا من حه‌زا باشنڤیسێ ژی هه‌یه.
