فیسته‌ڤالا شانۆیا كوردی ل هه‌یڤا ئادارێ دێ هێته ئه‌نجامدان
ئه‌ڤرۆ:
رێڤه‌به‌رێ فیسته‌ڤالا شانۆیا كوردی یا هه‌ڤدێ ل رۆژهه‌لاتێ كوردستانێ دیار كر كو 39 به‌رهه‌مێن شانۆیێ بۆ فیته‌ڤالا شانۆیا كوردی یا كو ژڤانه ل هه‌یڤا ئادارا ئه‌ڤ ساله ل باژێرێ سه‌قز یێ رۆژهه‌لاتێ كوردستانێ بهێته ئه‌نجامدان گه‌هشتینه ده‌ستێن وان، به‌لێ بتنێ 10 به‌رهه‌م بۆ به‌ریكانێ هاتینه هه‌لبژارتن.
فه‌ره‌یدوون حامدی، رێڤه‌به‌رێ فیسته‌ڤالا شانۆیا كوردی یا هه‌ڤدێ ل سه‌قز بۆ ده‌زگه‌هێن راگه‌هاندنێ ئاشكرا كر كو ژ سه‌رجه‌مێ 39 به‌رهه‌مێ شانۆیێ یێن بۆ فیسته‌ڤالێ هاتینه هنارتن، 21 به‌رهه‌م ژ ده‌رڤه و 18 به‌رهه‌م ژی یێن ناڤخۆیی بوون، هه‌روه‌سا ژ وان 10 به‌رهه‌مێن شیاین بگه‌هنه پشكا به‌ریكانێ شه‌ش به‌رهه‌مێن ناڤخۆ بوون و چار ژی یێن ژده‌رڤه بوون.
ناڤهاتی ئاماژه دا وێ چه‌ندێ كو به‌رهه‌مێن ژ ده‌رڤه ژ هه‌رێما كوردستانێ و سووریا و توركیا، یێن ناڤخۆ ژی پارێزگه‌هێن سنه و كرماشان و ورمێ بۆ فیسته‌ڤالێ هاتینه هنارتن.
