شانۆگه‌ریه‌كێ ناسناڤه‌ك دایه حه‌یده‌ر بامه‌رنی
ئه‌ڤرۆ، هه‌رهین:
زارڤه‌كه‌ر حه‌یده‌ر بامه‌رنی د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: به‌ری چه‌ند رۆژان مه سیه خه‌له‌كێن دراما ته‌حل و شرین ب دووماهی ئیناینه بۆ كه‌نالێ ئه‌سمانی یێ وار و ئه‌ڤ درامایه ژ نڤیسینا (سه‌عید مه‌حمود) و ژده‌رهێنانا (موافق رژدی) و پرۆدیوسه‌ر (عومه‌ر توڤی) بوو ژڤانه ل هه‌یڤا ره‌مه‌زانا پیرۆز بهێنه په‌خشكرن و دیسان ژی من دشورت فلمه‌كی داكاركریه كو ژده‌رهێنانا كچا باژێرێ دهوكێ (ئه‌سما محه‌مه‌د).
ناڤهاتی گۆت ژی: هه‌ر كاره‌كێ من كری چ سینه‌ما و دراما و شانو و شورت فلم بن هه‌موو جهێ دلخوه‌شیا منن و بۆ چو كارێن خوه نه‌یێ په‌شێمانم و ئه‌و رولێ ئه‌و پێ رادبم ده‌رهێنه‌ری ب سینگه‌كێ به‌رفره‌ه بۆ من ده‌ستنیشانكریه و دبیت ل گه‌ل سه‌رو سیما و ژیێ من ب گونجیت و هه‌موو كه‌س دزانن كو كارێ هونه‌ری نابیته پیشه‌ك مرۆڤ خێزانا خوه پێ خودان بكه‌ت و دشێم دبێژم من گرنژینه‌ك دایه بینه‌رێ خوه و وان ژی رێزه‌كا مه‌زن یا دایه من و و د ڤی سه‌رده‌می دا سینه‌ما و دراما كوردی یا به‌رب پێشڤه دچیت، چونكو ده‌رگه‌هێن درامایێ و سینه‌مایێ پتر هاتینه ڤه‌كرن و كاردهێته كرن و دوێ باوه‌رێ دامه چه‌ند كار بهێنه‌كرن خزمه‌ته بۆ هونه‌رێ كوردی و نابێژم هه‌موو كار باشن و ده‌مێ گه‌له‌ك كاردهێنه‌كرن مرۆڤ دشێت هنده‌ك كارێن باش ژێ بگریت و ل ده‌می دێ مرۆڤ زانیت هنده‌ك كارێن باش و جوان هاتینه كرن.
حه‌یده‌ری گۆت: دشانوگه‌ریا (دزێ شه‌ڤێ) دا كو ژ نڤیسینا نڤیسه‌ر (عمران تمیمی) و ژده‌رهێنان و وه‌رگێران (ئه‌كره‌م سلێمان) د وێ شانوگه‌ریێ دا من رۆله‌ك گێرا بناڤێ سه‌ردار جوتیار حه‌فتیار و هه‌تا نوكه ژی ده‌مێ دچمه بازاری زارۆ و گه‌نج و سنێله دبێژن سه‌ردار جوتیار حه‌فتیار.
