خه‌ونا وی ئه‌وه ببیته سترانبێژه‌كێ ناڤدار
ئاكرێ، ره‌مه‌زان زه‌كه‌ریا:
سترانبێژ (شوان ئه‌نوه‌ر) ددیداره‌كێ دا بۆ رۆژناما ئه‌ڤرۆ گۆت: ل گه‌ل سترانگۆتنێ ئه‌ڤه حه‌فت ساله ئه‌زعودێ دژه‌نم و گه‌له‌ك داخباری ده‌نگێ هه‌ردو هونه‌رمه‌ندێن نه‌مر ئه‌رده‌وان زاخۆیی و ئه‌یاز یوسف و حه‌زژێكرنا من بۆ ده‌نگێ وان بۆ ئه‌گه‌ره‌ك كو پتر حه‌ز ژ سترانگوتنێ بكه‌م، به‌ری عودێ بژه‌نم من ساز دژه‌نی، به‌لێ نوكه عود بۆ من بوویه ژیان و ڤیان و خۆشیێ د ده‌ته من و نه‌شێم ده‌ستان ژێ به‌رده‌وم.
زێده‌تر گۆت: هه‌تا نوكه بتنێ جاره‌كێ پشكداری ئاهه‌نگه‌كا جه‌ماوه‌ری بوویمه من دو ستران هه‌نه ب ناڤێ خۆشه‌ویستم ژ ئاوازێن ئاریۆس حه‌مه سه‌عید ل سالا 2018 من به‌لاڤكر، سترانا دویێ ب ناڤێ یارامن، ژ په‌یڤێن رێكان سورچی بوون من كارێ مۆزیكێ بۆ ئه‌نجامدا و ب دیتنا من نوكه هونه‌رێ كوردی گه‌له‌ك به‌ر ب پێشڤه‌چویه، به‌لێ وه‌كو پێدڤی گرنگی ب سترانێن فولكلۆری نه‌هاتیه دان و خه‌ونا من ئه‌وه ببمه سترانبێژه‌كێ ناڤدار و چه‌ند كلیپان چێكه‌م، ب تایبه‌ت یێن فۆلكۆری، به‌لێ ئاریشا مه‌زن ئه‌وه كو هه‌تا نوكه نه‌شیایمه چو كلیپا چێكه‌م ژبه‌ر ره‌وشا ئابووری چنكو چێكرنا كلیپان خه‌رجیه‌كا مه‌زن ڤێت و هه‌كه پشته‌ڤانیا من بهیێته كرن به‌رهه‌ڤم و مه‌رج نینه هاریكاری ماددی بیت، به‌لكو ستۆدیۆ و مۆزیك ژی بیت.
