هونه‌رێ گرافیكی كاره‌كێ هه‌ستیاره
دهۆك، هه‌رهین محه‌مه‌د:
شێوه‌كارا گه‌نج (ره‌شا سالح) د دیداره‌كێ دا بۆ رۆژناما ئه‌ڤرۆ گۆت: هونه‌ر چ ژ مرۆڤی نا وه‌رگریت، به‌لكو دده‌ته مرۆڤی و ژیانا مرۆڤی پر دكه‌ت و گرنگیی د ده‌ته كه‌سایه‌تیا مرۆڤی و گرافیكێ ژیانا من تژی كریه كو ده‌ربڕینێ ژ خۆشی و نه‌خۆشێن خوه و یێن خه‌لكی و ب تایبه‌ت یێن ژنێ بكه‌م و پشتی چوویمه د ناڤ جیهانا گرافیكێ دا من زانی دێ چه‌وان كاركه‌م و كا چیهان چا وانه و دێ چاوا ب رێڤه‌به‌م، هه‌روه‌سا هونه‌رچیه و دێ چاوا ب كه‌ره‌ستان كاركه‌م و ئه‌ڤ تشته هه‌موو من ژگرافیكێ وه‌رگرتن پشتی چوویمه دناڤ هونه‌رێ گرافیكێ دا و ئه‌و تشتی َمن دڤیا بێژم من ب هونه‌رێ گرافیكێ گه‌هاندیه.
زێده‌تر گۆت: گرافیك وه‌كو هه‌موو جۆرێن دی یێن هونه‌ری نه و تشته‌كێ روحی یه و ئه‌م وه‌كو خه‌لك ژێ دوورین و نوزانین كا چه‌ندێ گرنگه و مێشكێ مرۆڤی تژی و ئارام و پاقژدكه‌ت و ئه‌ز كچه‌كا باژێرێ زاخۆ ب هونه‌رێ گرافیكێ هاتیمه نیاسین و ئه‌و ڤالاهیا بێ مفا گرافیكێ ژمن وه‌رگرت و پركر ب كارێن هونه‌ری و من زانی ئه‌ز یا ده‌مه‌كێ ب مفا دبۆرینم و هه‌ركه‌ڤاله‌كێ گرافیكێ ده‌مه‌ك پێ ب دڤێت و ل دووف قه‌بارێ كه‌ڤالی دمینت و كا چه‌ندا مه‌زن و كه‌ره‌ستێن وێ و تشتێ ئه‌ز پێدڤی و كه‌ڤال هه‌ین ب رۆژا و هه‌ڤیا و حه‌فتیا من ل سه‌ر كاركریه ئانكو ل دووف قه‌بارێ كه‌ڤالی دمینت، و كارێ گرافیكێ گه‌له‌ك یێ هه‌ستیاره دروستكرن و چاپكرنێ دا و هه‌ر هونه‌رمه‌نده‌كێ كه‌ڤالێ گرافیكی چێكه‌ت پێدڤیه یێ ئارام و سه‌رخوه بیت، چونكو دچێكرن و چاپكرنێ دا پاقژی دڤێت دلاپه‌رو مه‌كینان دا و نه‌شێم بێژم كاره‌كێ ب زه‌حمه‌ته، یان ب ساناهی یه، ژبه‌ركو هونه‌رمه‌ند ده‌مێ كه‌ڤاله‌كێ گرافیكی چێكه‌ت چه‌ند زه‌حمه‌تێ ڤێرا به‌ت و ئه‌نجامێن باش دووف را بهێن ل نك وی تشته‌كێ ب ساناهی یه وی كری.
