(ئه‌لند حازم)ی سترانه‌كا (محه‌مه‌د شێخۆ)ی نوو كر
ئه‌ڤرۆ:
هونه‌رمه‌ند (ئه‌لند حازم)ی ل رۆژێن بۆری سترانه‌كا هونه‌رمه‌ندێ وه‌غه‌ركری (محه‌مه‌د شێخۆ)ی نووكر و ب شێوه‌یێ ڤیدیۆ كلیپ به‌لاڤكر.
ئه‌لندی ئه‌ڤ به‌رهه‌مه ب ده‌نگێ خوه گۆتیه و به‌لاڤكرنه نوو یا مۆزیكێ بۆ ئه‌نجامدایه و د ناڤ ستودیۆیێ دا ب شێوه‌یێ ڤیدیۆ تۆماركریه و د كه‌نالێ خوه یێ یوتیۆبی دا به‌لاڤكریه و ل سه‌ر ڤیدیۆیێ وێنه‌كێ هونه‌رمه‌ندێ كورد (محه‌مه‌د شێخۆ)ی دانایه.
ل هه‌یاما بۆری هونه‌رمه‌ند ئه‌لند حازمی دووماهی به‌رهه‌مێ خوه ب شێوه‌یێ ڤیدیۆ كلیپ دگه‌ل سترانبێژ (رومی هه‌ركی) به‌لاڤكربوو كو ئه‌و ژی به‌رهه‌مه‌كێ فلكلۆری بوو و پتری شه‌ش ملیۆن بینه‌ران د یوتیوبی دا هه‌بوون.
