به‌یار محه‌مه‌د: نڤیسینا شانۆیا زارۆیان یا هه‌ستیاره
ئه‌ڤرۆ، شاهۆ فه‌رید:
ده‌رهێنه‌رێ شانۆیێ (به‌یارمحه‌مه‌د) د دیداره‌كێ دا بۆ به‌رپه‌رێ هونه‌ریێ رۆژناما ئه‌ڤرۆ گۆت: “شانۆیا زارویان چیروكا وێ و نڤیسیناوێ گه‌له‌ك هه‌ستیاری و زه‌لالی پێدڤێتن و چه‌ند خالێن دی ژی هه‌نه بۆ كارتێكرنا ته‌ڤنێ كاركرنێ ل سه‌ر ئاستێ مێشكێ وی بهێته چاندن چیرۆكێن ئورۆپی ژی هه‌نه بۆ شانۆیێ لێ گه‌هاندنا وان بۆ زارۆیان یا بزه‌حمه‌ته، چیرۆكا كه‌له‌پوری (دندك هنار) پشتی لێ گه‌ڕیانێ من دگه‌ل دانعه‌مره‌كێ دڤیا ب روونم و هه‌موویێ بزانم، به‌لێ ب مخابنی ڤه وه‌غه‌ركر و نه‌شیام هه‌موویێ كوم بكه‌م سیناریۆیا وێ گه‌له‌ك نێزیكی یا (ساندرێلایێ) یه و من دڤێت هه‌رده‌م د ناڤ جیهانا زارۆیان دا بژیم پری راستگۆیی و پاقژیه و گه‌له‌ك یا گرنگه ره‌وشه‌نبیریا شانۆیێ ل ده‌ف زارۆی هه‌بیت”.
ناڤهاتی گۆت: “شانۆیێ گرنگیا خوه هه‌یه بۆ فێربوونا زمانان گه‌له‌ك ب باشی و بله‌ز دگه‌هینیت و هه‌كه چالاكیێن شانۆیێ د ناڤ مه دا هه‌بن و كومه‌ك سه‌ره‌دانا قوتابخانا بكه‌ت و شانۆیان پێشكێش بكه‌ین وه‌لاتێن رۆژئاڤا و ئورۆپا ژ وه‌لاتێن عه‌ره‌بی ژی ب تایبه‌ت (مسر) گه‌له‌ك گرنگیێ ب شانۆیێ دده‌ن”.
ل دووماهیێ به‌یاری گۆت: “نوكه هه‌ر د ناڤ هونه‌ری دامه و كارێ درامایه‌كا جڤاكی بۆ هه‌یڤا ره‌مه‌زانا پیرۆز دكه‌م كو دێ ل كه‌ناله‌كێ ئاسمانی یێ كوردی په‌خش بیت و سه‌ره‌رایی ڤێ چه‌ندێ ئه‌ز وه‌كو مامۆستا ژی ل قوتابخانه‌كێ ده‌واما فه‌رمی دكه‌م، هه‌روه‌سا بۆ ده‌مه‌كێ درێژ جێگرێ به‌رپرسێ سه‌ندیكا هونه‌رمه‌ندێن زاخۆ بووم و من چه‌ند مامۆستایان بزاڤ كر په‌یمانگه‌ها هونه‌رێن جوان زاخۆ ب دامه‌زرینین، لێ رێ بمه نه‌هاته‌دان”.
