هنده‌ك جاران ماسیێن 60 كیلۆ گرتینه
بلێ ، ره‌مه‌زان زه‌كه‌ریا:
فرسه‌ت شكری، ماسیگره‌كێ ده‌ڤه‌را بارزانه، د دیداره‌كێ دا بۆ رۆژناما ئه‌ڤرۆ گۆت: ده‌مه‌كێ درێژه ئه‌ز كارێ مسیگرتنێ دكه‌م و رۆژانه چه‌ندین ماسیان دگرم، هنده‌ك جارا دمه‌زنن و هنده‌ك جارا ژی دبچووكن، ماسیگرن وه‌ك چو كاران نینه پێدڤیه مرۆڤ گه‌له‌ك یێ بهێن فره‌ه بیت هه‌تا كو بشێت ماسیێن باش و مه‌زن بگریت، ژبلی بهێن فره‌هیێ پێدڤیه مرۆڤ یێ شاره‌زا بیت، چنكو ماسی گرتن كارێ هه‌موو كه‌سا نینه هه‌موو نه‌شێن ببنه ماسیگرێن باش.
زێده‌تر گۆت: ل گه‌ل چه‌ندین هه‌ڤالان ئه‌م به‌رده‌وام پێكڤه دچینه ماسیان، هه‌ردو هه‌ڤالێن من محسن و عه‌بدولره‌حمان ژی به‌رده‌وام ل گه‌ل من هێن، من گه‌له‌ك قه‌بارێن ماسیان گرتینه 10 كیلۆ هه‌تا 60 كیلۆ ل رووبارێ زێێ مه‌زن و به‌رده‌وام ژی دچمه ماسیان ئه‌و ماسێن من گرتین ئامێرێن گه‌له‌ك ساده ب كارئینانه وه‌ك قولابا ماسیگرتنێ، وه‌ك ماسیگره‌ك پێگیریێ رێنمایێن ژینگه‌ه پارێزیێ دكه‌م ل ده‌مێ زاوزێ یا ماسیان ماسی گرتن قه‌ده‌غه‌یه ئه‌م ژی پێگیرین ب وان بڕیار و رێنمایان پێدڤیه ل ده‌مێ قه‌ده‌غه‌كری كه‌س ماسیان نه‌گریت داكو زیان ب به‌رهه‌مێ سامانێ ماسیان نه‌كه‌ڤیت.
