نه‌ژبیر ناهێلیت كه‌س سترانێن بابێ وی بێژیت
زاخۆ، عه‌لی حاجی:
نه ژبیر عه‌بدولواحد زاخۆیێ، د دیداره‌كێ دا بۆ رۆژناما ئه‌ڤرۆ دیار كر كو هه‌تا نوكه بتنێ دو هه‌تا سێ جاران د ماوه‌یێ 22 سالان دا رۆژا وه‌غه‌ركرنا بابێ وی هاتیه ساخكرن و هه‌تا نوكه ژی ب دروستی مافێ بابێ وی نه‌هاتیه دان و ئێدی ئه‌و رێكێ ناده‌نه چو كه‌سه‌كێ سترانێن بابێ وی بێژیت.
زێده‌تر گۆت: ئه‌م گه‌له‌ك دلخۆشین ده‌مێ دبین سالرۆژا وه‌غه‌ركرنا بابێ من دهێته ساخكرن، به‌لێ بۆ ده‌مێ 22 سالایه بتنێ دو هه‌تا سێ جاران سال رۆژا وی هاتیه ساخكرن و ئه‌ڤه ژی گه‌له‌ك یا كێمه به‌رامبه‌ر خزمه‌تا بابێ من، هه‌تا نوكه ژی ب دروستی مافێ بابێ من نه‌هاتیه دان و هه‌كه هاتبیته دان ژی گه‌له‌ك یێ كێمه، وه‌كو بنه‌مالا هونه‌رمه‌ند عه‌بدولواحد زاخۆیی به‌ری نوكه مه رێ دابوو هه‌ر كه‌سه‌كێ سترانێن وی بیّژیت به‌لێ د نوكه دا ئه‌م رێكێ ناده‌یه چو كه‌سه‌كێ سترانێن وی بێژیت هه‌تا كو ئه‌م رێكێ د ده‌ینێ پاشی بلا بێژیت و پێدڤی یه سالانه ب شێوه‌یه‌كێ باشتر و به‌رفره‌هتر گرنگی ب سالرۆژا وه‌غه‌ركرنا بابێ من بهێته دان، هه‌ره‌وسا زێده‌تر مافێ وی پێ بهێته دان.
