ئه‌ڤرۆ سهام دێ به‌رنامێ سیناهی ل دۆك تیڤی پێشكێشكه‌ت.
ئه‌ڤرۆ، هه‌رهین محه‌مه‌د:
میدیاكارا گه‌نج سوهام عه‌بدوللا دیداره‌كێ دا بۆ رۆژناما ئه‌ڤرۆ ئاشكه‌راكركو ئه‌ڤه بۆ ده‌مه‌كه ل كه‌نالێ دهۆك تیڤی ده‌ست ب كاربوویه و ل وێرێ كار ل سه‌ر پرۆگرامه‌كێ نوی دكه‌ت بناڤێ (سیناهی) و ژڤانه ئه‌ڤرۆ ل ده‌مژمێر ده‌هی سپێدێ ل شاشه‌یا دهۆك تیڤی پێشكێشبكه‌ت.
سهامێ هێشتاژی گۆت: به‌رنامێ سیناهی به‌رنامه‌كێ رۆژانه‌یه و ژ رۆژا ئێك شه‌مبی هه‌تا چارشه‌مبی ب شێوه‌كێ زندی ل شاشه‌یا دهۆك تیڤی دێ هێته په‌خشكرن و به‌رنامێ سیناهی به‌رنامه‌كێ گشتی یه و هه‌موو كه‌س دێ خوه دڤی به‌رنامه‌ی دا بینن و مێهڤان بن و ب شێوه‌كێ راسته و خوه دێ په‌یامنێران وه‌رگرین و دێ گه‌له‌ك بابه‌تێن هونه‌ری و جڤاكی و ره‌وشه‌نبیری وپه‌روه‌رده‌یی و رۆژه‌ڤێن و بویه‌رێن گشتی و بابه‌تێن گرێدای ب ژیانا رۆژانه‌ڤه دێ هێنه به‌حسكرن و دێ پێشكێشی بینه‌رێن دهۆك تیڤی كه‌ین.
ل دووماهیێ ژی گۆت: ئه‌و بۆ ده‌مێ دو سالان بوو ژ كارێ راگه‌هاندنێ دویر كه‌فتیم و ب رێیا هه‌ڤاله‌كا هێژا وێ بزاڤ كرن و جاره‌كادی هاتمه سه‌رشاشێ و ژبه‌ر وێ به‌گره‌وه‌ندێ من هه‌ی هه‌ر یا به‌رده‌وام بم ل سه‌ر كارێ پێشكێشكاریێ و كه‌نالێ دهۆك تیڤی ژی پێشوازیه‌كا گه‌رم ل من كرو ئاماده‌یا خوه دیار كر كو ل وێرێ به‌رنامه‌كی پێشكێش بكه‌م، له‌ورا من دهۆك تیڤی هه‌لبژارت ودیسان ته‌له‌ڤزیونا دایكه و بۆ من ژی شانازیه ل كه‌ناله‌كێ وه‌سان كاربكه‌م و ئه‌ڤ به‌رنامه ژی ب رازه‌مه‌ندیا دهۆك تیڤی بوویه وان ئه‌ز هه‌لبژارتم و ئێكسه‌ر ژی رازی بووم بێ دو دلی.
