شێوه‌كاره‌ك: دلناده‌م كه‌ڤالێن خوه ب فرۆشم
ئه‌ڤرۆ:
شێوه‌كارێ گه‌نج (عزه‌دین) د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: مفایی من ژ هونه‌رێ شێوه‌كاری دیتی ڤه‌كرنا هزر و بیرا بوو ب ره‌نگه‌كێ به‌رفره‌هترجیهانێ ببینم و ته‌ماشه بكه‌م و ئه‌و تشتێ من دایه شێوه‌كاریێ ده‌ربڕینا هزر و بیرێن ناخێ من دانه و ڤه‌كرنا په‌نجه‌ره‌كا نوی كو كوورتر هزرێن خوه بكه‌م و بۆ من هه‌موو تشت ب ساناهی كرینه د هه‌ر كاره‌كی دا ئه‌ز بكه‌م و پتریا كه‌ڤالێن من ده‌ربرینێ ژ ئێش و ئازار و كه‌لتورێ ملله‌تێ كورد و سرۆشتی دكه‌ن.
ناڤهاتی گۆت ژی: ئه‌و ستایلێ ئه‌ز د شێوه‌كاریێ دا ب كاردئینم یێ سه‌رده‌مانه‌یه و مێكس دكه‌م ل گه‌ل فانتاسی و هه‌ر كه‌ڤاله‌كی ل دووڤ ئێك ل سه‌ر كار ناكه‌م و چه‌نده‌كێ چێدكه‌م و دچم و جاره‌كا دی لێ دزڤرم داكو بزانم من چ خه‌له‌تی د كه‌ڤالێ خوه داكریه، یان هنده‌ك ره‌نگ داهێنانێن دی تێدا بكه‌م، ئانكو ده‌م نه‌یێ دیاركریه كا هه‌ر كه‌ڤاله‌كی چه‌ند ل سه‌ر كاردكه‌م و پتریا كه‌ڤالێن ئه‌ز چێدكه‌م نافرۆشم و ل ده‌ف خوه دهێلم دلناده‌م ب فرۆشم.
ل دووماهیێ عزه‌دینی گۆت: راسته ده‌مێ پێشانگه‌هێن شێوه‌كاری دهێنه ڤه‌كرن پتریا وان شێوه‌كارن، به‌لێ كه‌سێن نورمال ژی تێدا ئاماده‌دبن، به‌لی َجوداهیا پێشانگه‌هێن ل كوردستانی َو ده‌رڤه‌ی وه‌لاتی دهێنه ڤه‌كرن ئه‌وه ل كوردستانێ چو گرنگه ب هونه‌رێ شێوه‌كاری ناهێته دان و ل ده‌رڤه‌ی وه‌لاتی ل قووناغا سه‌ره‌تایی گرنگیێ ب هونه‌ری ده‌ن و ل كوردستانێ هونه‌رمه‌ندێن خودانشیان هه‌نه ده‌ربرینێ ژ هزرو بیرێن خوه دكه‌ن و زارڤه‌كرن ل هه‌موو جهان یا هه‌ی.
