جانێ حه‌یران ب رێیا ئه‌ڤرۆ سۆپاسیا نه‌حه‌زێن خوه دكه‌ت
ئه‌ڤرۆ، هه‌رهین محه‌مه‌د:
سترانبێژ (جانێ حه‌یران) د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو نوكه ئه‌و مژوولی چێكرنا دو كلیپایه كلیپا ئێكێ بناڤێ (سه‌رخوه‌شم) و كلیپا دویێ بناڤێ (جانا دلێ من) كو ژ په‌یڤێن وێ نه و ئاواز بیانی یه و ژڤان ئه‌و بۆ سالا بوری كلیپ بكه‌ت، به‌لێ ژ به‌ر هنده‌ك كاودانا نه‌شیا و ژڤان ئه‌وه ل ده‌مه‌كێ نێزیك به‌لاڤ كه‌ت.
جانێ ئه‌و چه‌نده ژی گۆت: ل كوردستانێ ستایلێ من یێ تایبه‌ته، چونكو ئه‌ز سترانبێژا ده‌نگی بتنێ نینم و خوه نه‌مایش ژی دكه‌م و ستایلێ من یێ ئێكێ یه و شانازیێ ب ستایلێ خوه دبه‌م و ل هه‌ولێر و ئورۆپا و ل هه‌موو جیهانێ داخوازا هه‌ڤژینیێ ژ من دكه‌ن و رۆژانه بابه‌تێ هه‌ڤژینیێ بۆ من دهێت، به‌لی َهه‌تا نوكه قسمه‌ت چێنه‌بوویه و جاران هنده‌ك تشت چێدبن ئه‌ز پێ رازی نابم و هه‌تا كو ئه‌و كه‌سێ من دناڤ خه‌یالا خوه دا وێنه‌كری نه هێت ئه‌ز ب چ كه‌سێن دی رازی نابم و هه‌كه ژیێ من بیته سه‌د سال ژی.
ناڤهاتیێ خویا كر كو پتریا سترانبێژان سترانان چێدكه‌ن و ئاوازێن وان بیانی نه و هه‌تا نوكه ژلایێ چو هونه‌رمه‌ندێن بیانی ڤه بۆ من سكالانه هاتینه، به‌لێ بتنێ هونه‌رمه‌نده‌كا كورد سكالا ل من كریه و نوكه ئه‌م دقووناغا دادگه‌هێ داینه و دڤێت مرۆڤی نه‌یار و نه‌حه‌ز هه‌بیت، چونكو هێز بۆ مرۆڤی ژنه‌یاران چێدبیت و هه‌كه مرۆڤی نه‌حه‌ز نه‌بن مرۆڤ چو فێر نابیت، له‌ورا مرۆڤی هه‌رده‌م پێدڤی ب نه‌یاران هه‌یه و سوپاسیا نه‌حه‌ز و نه‌یارێن خوه دكه‌م كو ئه‌و هێز و رێك نیشا من داین.
