به‌هزادی دیاریه‌ك بۆ جه‌ژنێ هه‌یه
ئه‌ڤرۆ،
سترانبێژێ گه‌نج به‌هزاد نهێلی، دیداره‌كێ دا به‌رپه‌رێ هونه‌ری یێ رۆژناما ئه‌ڤرۆ گۆت: نه ژبه‌ر داهاتی و به‌رنیاسبوونێ سترانان دبێژم بتنێ من دڤێت خزمه‌تا سترانا فلكلۆری یا كوردی بكه‌م و هه‌موو كلیپێن خوه ژی ل سه‌ر كیستێ خوه چێدكه‌م و من داخازا هاریكاریێ ژ چو كه‌سان نه‌كریه و هه‌رسترانبێژه‌كی ستایله‌كێ تایبه‌ت هه‌یه و ئه‌ڤه ژی تشته‌كێ خودایی یه‌و ئه‌ڤ چه‌نده ب ده‌نگی ڤه گرێدایه و دبینم گوهورینا ستایلی بۆ سترانبێژی شكه‌ستن و كاره‌ساته، چونكو ئه‌و ستایلێ ئه‌و دبێژیت لدووڤ ده‌نگ و شیانێن وی یه و هه‌رگاڤا سترانبێژی ستایلی َخوه گوهوری دبیت نه‌شێت وێ بێژیت یا خه‌لكی دڤێت و ستایل و ده‌نگێ من چیایی یه و من چ جاران ل به‌ر نینه ستایلێ خوه ب گوهورم و نابینم گورینا ستایلی سترانبێژ پێ ب سه‌ر بكه‌ڤیت و هه‌كه سترانبێژی ستایلێ خوه گوهوهارت وه‌سا تێته دیاركرن كوبه‌ری نوكه ئه‌و نه‌یێ سه‌ركه‌فتی بوو،له‌ورا ستایلێ خوه دگوهوریت داكو بشێت تشته‌كێ باشتر بكه‌ت و پتریا سترانێن ئه‌ز دبێژم فلكلۆرن و ژفلكلۆری ژی ئه‌ڤینی نه و سترانا فلكلۆری دشێم ده‌مژمێرا سترانا فلكلۆری چێكه‌م و په‌یڤێن وێ زێده‌كه‌م و بێژم و تشته‌كێ ب ساناهیه ب تایبه‌ت هه‌كه دوقولی بیت.
لدورنوترین كارێ خوه یێ هونه‌ری نهێلی گۆتژی: نوكه مژولی چێكرنا كلیپه‌كا نوی مه بناڤێ (دیاری) كو ژپه‌یڤ ئه‌یوب نهێلی و ئاواز فلكلۆره و ل ستودیویا تون مۆزیك هاتیه توماركرن و ب هاریمكاریا ماموستا قه‌سیم كو پشته‌ڤانی ل من كریه بۆ ڤێ كلیپێ و كلیپ نوكه دقوناغێن دووماهیێ دایه و ژڤانه بۆجه‌ژنا ره‌مه‌زانا پیرۆز بهێته به‌لاڤكرن.
هه‌روه‌سا گۆتژی: هه‌تا نوكه من هزر نه‌كریه سترانه‌كا دوقولی ل گه‌ل سترانبێژه‌كا كچ بێژم و پێشنیاز هاتیه كرن ژلایی َهنده‌ك هه‌ڤالان ڤه كو ئه‌ز ل گه‌ل فلان سترانبێژا كچ سترانه‌كا دوقولی بێژم و چێكه‌م، به‌لێ كه‌سێ ژی داخاز ژمن نه‌كریه ئه‌ز سترانه‌كێ دگه‌له بێژم
