هونه‌رێ من و بابێ من دو رێیێن ژێك جودانه
ئه‌ڤرۆ، هه‌رهین :
سترانبێژێ گه‌نج رێكه‌فت كاروكی دیداره‌كێ دا به‌رپه‌رێ هونه‌ری یێ رۆژناما ئه‌ڤرۆ گۆت: هه‌ر كه‌سه‌ك و سترانبێژه‌كێ تشته‌كێ خوه‌ش دبێژیت پێ داغبار دبم نه بتنێ هونه‌رمه‌نده‌كێ به‌رنیاس و كه‌ڤن بیت بابێ من ژی ستران بێژه، به‌لێ هونه‌رێ من و بابێ من دو رێیێن ژێك جودانه سترانێن من سه‌رده‌مانه‌نه یێن وی فلكلۆرلی نه و سترانێن من پتر ئه‌ڤینی نه، چونكو پتر گوهدارێ خوه هه‌یه و ئه‌ڤینی ژ وان تشتایه رۆژانه خه‌لك تێدا ده‌رباس دبیت و هه‌كه ئه‌و كه‌سێن ئه‌ز ل دیوانا وان سترانان دبێژم د من بگه‌هن دشێن بۆ گه‌له‌ك ده‌مژمێران بێ راوه‌ستیان سترانا ئه‌ڤینی بێژم و ناچمه ده‌واتان بتنێ سترانان دبێژم و سترانبێژێ ده‌واتان جودایه، چونكو سترانبێژی َده‌واتان ده‌نگه‌كێ بهێز دڤێت و مه‌رج نینه سترانبێژێ ده‌نگه‌كێ نازك هه‌بیت و مرۆڤ دچیته دهوله‌كێ ڤه ب سه‌ده‌هان كه‌سێن تێڤه و دێ میكسه‌ره‌كێ ب هێز به‌ن و ده‌نگی َمرۆڤی ب جوانی دگه‌هیته گوهێن ده‌واتیان.
كاروكی گۆت: خودان ئه‌لبوومه‌كا هه‌شت تراكی و دوكلیپم دبینم نه مه‌رجه سالانه مرۆڤ ئه‌لبومه‌كێ چێكه‌ت و دبینم كلیپه‌كا باش هه‌ر سال به‌رامبه‌ری ئه‌لبومه‌كا ده‌ه تراكی یه و گه‌له‌ك جاران مرۆڤ ب كلیپه‌كێ گه‌له‌ك به‌رنیاس دبیت و دهێته دمه‌یدانا هونه‌ری دا و هنده‌ك جاران ژی ب گۆتنا سترانه‌كێ، یان گۆهورینا ستایلی سترانبێژ ژ مه‌یدانا ستران گۆتنێ دویر دكه‌ڤیت.
