شرینا خانی دێ سترانا خوه یا نه‌خری به‌لاڤ كه‌ت
دهۆك، به‌یار زاویته‌یی:
ده‌رهێنه‌ر هه‌ژار دهۆكی، د په‌یوه‌ندیه‌كا ته‌له‌فۆنی دا ژ باژێرێ ئیسته‌مبۆلێ، بۆ رۆژناما ئه‌ڤرۆ دیاركر كو كو سترانا (په‌ری) ب ده‌نگێ سترانبێژا گه‌نجا رۆژهه‌لاتێ كوردستانێ (شرینا خانی) ل ڤان نێزیكان دێ به‌لاڤ بیت.
سترانا په‌ری ژ په‌یڤێن ئه‌دیب چه‌لكی و ئاوازێن هارۆن ئه‌لكی یه، مۆزیك ژلایێ هونه‌رمه‌ند سینان ڤه ل ئیسته‌مبۆلێ هاتیه به‌رهه‌ڤكرن، دیمه‌نێن كلیپی ژی ل هه‌مان باژێری و ده‌وروبه‌ران هاتینه وێنه‌كرن، كه‌نالێ وار تیڤی و هنده‌ك خیرخوازان سپۆنسه‌ریا كلیپێ كرینه،
شرینا خانێ، خه‌لكا رۆژهه‌لاتێ كوردستانێ یه، ژ تیره‌یا حه‌یده‌ری یه كو دگه‌هنه بنه‌مالا شاعرێ مه‌زن ئه‌حمه‌دێ خانی، نوكه یا به‌رهه‌ڤیان بۆ تۆماركرنا ئه‌لبۆمه‌كا سترانان دكه‌ت، دو ژوان سترانان ژلایێ ده‌رهێنه‌ر هه‌ژار دهۆكی ڤه هاتینه كلیپكرن، پتریا سترانێن وێ ژ په‌یڤێن هه‌لبه‌ستڤان ئه‌دیب چه‌لكی نه، هنده‌ك ژی فۆلكلۆرن، چار ستران ژی ب زمانێن ئه‌رمه‌نی، فارسی، توركی، عه‌ره‌بی نه، هه‌موو كارێن ئه‌لبۆمێ ل ژێر سه‌رپه‌رشتیا ئه‌دیب چه‌لكی دهێته برێڤه‌برن.
