مالا خوه كریه مۆزه‌خانه
ئاكرێ، ره‌مه‌زان زه‌كه‌ریا:
سالح ئاكۆیی، كو مالا خوه كریه مۆزه‌خانه، ددیداره‌كێ دا بۆ رۆژناما ئه‌ڤرۆ گۆت: چه‌ندین سال بوو من حه‌ز ل سه‌ر وێ چه‌ندێ هه‌بوو كو كه‌ره‌سته‌یێن فۆلكلۆری دمالدا كۆمبكه‌م و ژناڤچوونێ بپارێزم ئه‌و كه‌ره‌سته‌یێن من كۆمكرین و ل مالدا پاراستین هه‌موو ئه‌و كه‌ره‌سته‌نه كو چه‌ندین سالان كار پێ هاتیه كرن.
زێده‌تر گۆت: هژماره‌كا ئه‌و كه‌ره‌سته‌یێن من پاراستین بۆ هزار سالان به‌ری نوكه هاتینه ب كارئینان و كۆمكرنا وان كاره‌كێ ب ساناهی نینه، به‌لێ حه‌زا من بۆ پاراستنا مێژوویا گه‌لێ من وه‌ركریه كو گرنگیێ ب پاراستنا ڤان كه‌ره‌ستان بده‌م، له‌ورا من مالا خوه كریه مۆزه‌خانه‌ك و دخوازم ئه‌ڤ كه‌ره‌سته به‌رده‌وام بهێنه پاراستن و هه‌ر كه‌سه‌كێ نه‌شێت ڤان كه‌ره‌ستان پارێزیت به‌رهه‌ڤم ژێ وه‌ربگرم و ل مالا خوه بپارێزم، و ئه‌ڤه ئه‌ركێ مه هه‌مووانه كو ڤان كه‌ره‌ستان بپارێزین دا نیشا نڤشێ نوو بده‌ین.
