دیاریه‌ك بۆ نه‌ورۆزێ هه‌یه
دهۆك، كاوین جیهاد:
بۆ ده‌مێ چه‌ند هه‌یڤان بوو هونه‌رمه‌ند رێكێش سه‌یرانی مژوولی تۆماركرنا ئه‌لبۆمه‌كا سترانان بوو، ل گه‌ل وێنه‌كرنا چه‌ند سترانان و به‌لاڤكرنا وان وه‌كو كلیپ بۆ نه‌ورۆزێ.
رێكێشی بۆ ئه‌ڤرۆ گۆت: ئه‌لبۆما من ب دووماهی هاتیه و ژ شه‌ش تراكان پێك دهێت، ل نێزیك دێ ریكلاما وێ به‌لاڤ كه‌م، هه‌روه‌سا دێ بزاڤێ كه‌م بۆ نه‌ورۆزێ چه‌ند كلیپان به‌لاڤ كه‌م، ژوانا سترانا (خه‌ونه) كو ژ ده‌رهێنانا ستار ئارتی یه و بلا ئه‌ڤه ببیته دیاریه‌كا بچووك ژده‌ف من بۆ وان كه‌سان یێن كو گوهداریا سترانێن مه دكه‌ن، و د هه‌موو ئه‌لبۆم و به‌رهه‌مان دا مرۆڤ نوویاتی و ستایلان بكار دئینیت، لێ د هه‌موو به‌رهه‌مێن خوه دا ئه‌زێ به‌رنیاسم ب هه‌مه‌ڕه‌نگیا سترانان و گه‌له‌ك جاران ئه‌و ستایلێ من پێ دگۆت یێ كورده‌واری یێ ب زه‌حمه‌ته و خۆشه، به‌لكو ئه‌و نه مۆلكێ من به‌لكو ب وی ستایلی مرۆڤ دشێت گه‌له‌ك خوه بده‌ته نیاسین و ئه‌و چه‌نده بۆ من جهێ شانازیێ یه كو بشێم باشتر خزمه‌تا سترانێن كوردی بكه‌م، ده‌رباره‌ی ئاهه‌نگێن نه‌ورۆزێ ژی گه‌له‌ك جهان په‌یوه‌ندی بمن كرینه كو ئاهه‌نگان بۆ بگێڕم، لێ من هێشتا چو بڕیار نه‌داینه چنكو هێشتا ده‌م یێ مای، لێ یا گرنگ ل ده‌ف من ئه‌وه بۆ نه‌ورۆزێ كلیپان به‌لاڤ كه‌م.
