راگه‌هاندنا ئۆرۆپا: پۆتین ژ ره‌وشا شه‌رێ ل ئۆكرانیایێ دلگرانه
ئه‌ڤرۆ:
ده‌زگه‌هێن راگه‌هاندنا ئۆرۆپا دیار دكه‌ن كو سه‌رۆكێ رۆسیا شیره‌تكارێن خوه ب هندێ گونه‌هبار دكه‌ت كو وان راستیێن هه‌ی بۆ وی نه‌گۆتینه و راپۆرتێن وان ل دۆر ره‌وشا ئۆكرانیایێ ژی راست نه‌بووینه، چونكو به‌ری شه‌ر ده‌ستپێ بكه‌ت شیره‌تكارێن پۆتینی وه‌سا بۆ وی دیار كربوون كو هێزێن رۆسیا دشێن حه‌فتیه‌كێ هه‌موو ئۆكرانیایێ بكه‌نه ژێر كۆنترۆلا خوه و وی ده‌می ئه‌مریكا و وه‌لاتێن ئێكه‌تیا ئورۆپا دێ نه‌چار بن هه‌موو مه‌رجێن رۆسیا قه‌بوول بكه‌ن، لێ ره‌وشا نها نیشا دده‌ت كو هه‌موو تشتێن ل دۆر ئۆكرانیایێ بۆ پۆتینی هاتینه گۆتن راست نه‌بوون.
ل گۆر ده‌زگه‌هێن راگه‌هاندنا ئۆرۆپا به‌رخوه‌دانا له‌شكرێ ئۆكرانیایێ و زیانێن كو هه‌تا نها گه‌هشتینه هێزێن رۆسیا كارتێكرنا خوه ل پۆتینی و له‌شكرێ رۆسیا كریه، پۆتین ژی هه‌ست ب هندێ كریه كو د شه‌رێ ل دژی ئۆكرانیایێ دا سه‌ركه‌فتی نه‌بوویه و ژ به‌ر هندێ ژی نها پۆتین دڤێت ب جوداكرنا هه‌رێما دۆنباس ژ ئۆكرانیایێ شكه‌شتنا خوه ڤه‌شێریت.
