دێ كونسێرته‌كێ ل دهۆكێ گێڕیت
دهۆك، كاوین جیهاد:
پشتی چه‌ند سالێن دوركه‌فتنێ ژ باژێرێ خوه ئامه‌دێ، به‌ری چه‌ند رۆژان سترانبێژ (هارون ئه‌لكی) ڤه‌گه‌ڕیا باژێرێ خوه و كۆنسێرته‌كا هونه‌ری بۆ حه‌زژێكه‌رێن ده‌نگێ خوه گێڕا و د به‌رنامێ وی دایه ل ده‌مه‌كێ نێزیك بهێته باژێرێ دهۆكێ ژی كۆنسێرته‌كێ بگێرٍیت.
هارون، كو به‌ری نوكه ژ ئه‌ندامێن سه‌ره‌كی یێن كۆما ره‌وشه‌ن یا هونه‌ری بوو، كۆ گرۆپه‌كێ ناڤداره ل باكۆرێ كوردستانێ و وه‌لاتێ توركیا، پشتی گێڕانا كۆنسێرتا ئامه‌دێ دبێژیت: بۆ من یا گرنگه ئه‌ز كۆنسێرتان ل هه‌موو باژێرێن كوردان بگێڕم، ژبه‌ركو گه‌نجێن كورد تێهنیێن ستران و مۆزیكا كوردی نه، بۆ زانین من سێ سترانێن نوو هه‌نه و نوكه كاری ل سه‌ر دكه‌م بكه‌مه ڤیدیۆ كلیپ.
