كارێ مه‌یدانی بۆ وێنه‌گری خۆشتره
ئه‌ڤرۆ، ره‌مه‌زان زه‌كه‌ریا:
عه‌لی غازی، وێنه‌گرێ كه‌نالێ كوردستان 24 ل ده‌ڤه‌را ئاكرێ، ددیداره‌كێ دا بۆ رۆژناما ئه‌ڤرۆ گۆت: ئه‌ڤه پازه سالن ئه‌ز وێنه‌گرم و ئه‌ڤ كاره بۆ من یێ ب ساناهی بوو، چنكو كارێ باب و باپیران بوو، راسته وێنه‌گری كاره‌كێ ب ساناهی نینه به‌لێ من حه‌زه‌كا زێده ل سه‌ر هه‌یه نوكه گه‌له‌ك كه‌س هه‌نه ب ساناهی فێری كاری دبن به‌لێ هه‌ر كامیره گرتن نینه، به‌لكو پێدڤیه كارێ مرۆڤی هه‌ژی بینه‌ریێ بیت.
هه‌روه‌سا گۆت: هه‌كه وێنه‌گر كه‌سه‌كێ شاره‌زا نه‌بیت نه‌شێت كاربكه‌ت یان هه‌كه كار ژی بكه‌ت كاره‌كێ سه‌ركه‌فتی نابیت و ئه‌ز گه‌له‌ك حه‌ز ژ كارێ خۆ دكه‌م و كارێ مه‌یدانی خۆشتره ژ ناڤ كارێ ستودیۆیێ، و ئاسته‌نگ ژی دهێنه پێش به‌لێ ده‌مێ كارێ مه‌یدانی پێدڤیه مرۆڤ بله‌ز بیت و دڤێت هه‌ر روودانه‌كا دروست ببیت بله‌ز رۆمال بكه‌ت، وێنه‌گری ره‌وشته و هه‌موو تشته پێدڤیه مرۆڤ ب وژدان كار بكه‌ت.
