رۆسیا: ل هه‌مبه‌ر ئۆرۆپا بێده‌نگ نابین
ئه‌ڤرۆ:
پشتی كو فره‌نسا بریار دا ٢٥ دبلۆماتكارێن رۆسیا ژ وه‌لاتێ خوه سنۆرداش بكه‌ت ئه‌لمانیا ژی راگه‌هاند ئه‌و به‌رهه‌ڤیان دكه‌ن هنده‌ك ژ دبلۆماتكارێن رۆسی سنۆرداش بكه‌ن.
وه‌زاره‌تا ده‌رڤه یا رۆسیا ژی راگه‌هاند كو ئه‌و ل هه‌مبه‌ر بزاڤێن وه‌لاتێن ئێكه‌تیا ئۆرۆپا بێده‌نگ نامینن و هه‌ر بزاڤه‌كا وان ل دژی رۆسیا دێ به‌رسڤا خوه هه‌بیت.
ل ئالیێ دی سكرتێرێ گشتی یێ نه‌ته‌وه‌یێن ئێكگرتی ژی داخواز ژ رۆسیا كر كو ئێرشێن خوه یێن ل سه‌ر ئۆكرانیایێ بده‌ته راگرتن، چونكو ژ به‌ر ئێرشێن رۆسیا هه‌تا نها گه‌له‌ك وه‌لاتیێن سڤیل ل ئۆكرانیایێ هاتینه كوشتن و ئه‌و یه‌ك ژی ب چو ره‌نگه‌كێ ناهێته قه‌بوولكرن، دڤێت پۆتین بریارا راگرتنا شه‌ری بده‌ت.
هه‌روه‌سا وه‌زاره‌تا ده‌رڤه یا چینێ ژی دوهی راگه‌هاند كو دڤێت رۆسیا ئێرشێن خوه ل سه‌ر ئۆكرانیایێ بده‌ته راگرتن.
