شه‌ش ئامیرێن مۆزیكێ دژه‌نیت
خانكێ، دلڤین ره‌شید:
گه‌نجه‌كێ به‌هره‌مه‌ند ب ناڤێ (ئه‌لمان ئه‌مین) د دیداره‌كێ دا بۆ رۆژناما ئه‌ڤرۆ گۆت: نێزیكی شه‌ش سالانه من ده‌ست ب ژه‌نینا مۆزیكێ كری، ل ده‌ستپێكێ من خوه فێری ئامیرێ سازێ كر، ئه‌و ژی ب رێیا برایێ خوه، چنكو وی ساز دژه‌نی، ئه‌ڤ حه‌زژیكرنه رۆژ بۆ رۆژی دناخێ دا مه‌زن بوو، ئه‌ز پالدام كۆ ئێدی به‌رب وارێ ئه‌كادیمی ڤه بچم، له‌ورا چوومه په‌یمانگه‌ها هونه‌رێن جوان پشكا مۆزیكێ و نوكه ل قوناغا دویێ مه، د ڤان دو سالان دا من شیا خوه فێری چه‌ندین ئامیرێن دی یێ مۆزیكی بكه‌م، ژ وانا عۆد و كه‌مان و ئۆرگ و بزق.
هه‌روه‌سا گۆت: ئه‌ز پتریا ده‌مێ خوه ب راهێنانێن مۆزیكێ ڤه دبۆرینم و پشته‌ڤانێن من یێن سه‌ره‌كی مالباتا منن، ژبلی مۆزیكی سترانان ژی بێژم، نوكه سترانه‌كا من یا دقوناغا ده‌نگی دا، ب ئاناهیا خودێ دێ كلیب بكه‌م و به‌لاڤ كه‌م و دخوازم ل باشه رۆژێ من ستۆدیۆیه‌كا تایبه‌ت هه‌بیت و به‌هره‌یا خوه نیشا هنده‌ك گه‌نجێن دی بده‌م.
